أحمد آدم: معمولي عمل على شينيور
قال الفنان أحمد آدم، إنه تعرض لسحر وأعمال على “شينيور”، سببت له إزعاج في فترات كبيرة.
تابع “آدم” خلال حلوله ضيفا على برنامج “حبر سري“، مساء الجمعة، المذاع عبر شاشة “القاهرة والناس” مع أسما إبراهيم: “معمولي عمل على شينيور، الموضوع ده هيجنني لأن كل ما أسكن في عمارة ألاقي الشقتين اللي جنبي بيتعملوا، وطول الوقت بقى تكسير ودغدغة”.
نرشح لك: حنان يوسف: ابني قرر يعمل فرحه في المدرسة
أضاف: “ولما أقول أروح أقعد في شقة إسكندرية ألاقي بردو الشقة ال جنبي بتتوضب وفي شينيور، ولما قولت طب أبات في فندق روحت لقيت الأوضة اللي فوقي بردو بتتوضب وفي شينيور، ومفيش بلد روحتها حتى باريس إلا وألاقي جنبي في تصليحات وشينيور”.
في سياق منفصل، تحدث عن موقفه من المساكنة يقول: “المساكنة دي تعرفوها اليومين دول. مشكلتنا لما حد بيعرف حد مبيعرفش يفرق بين الحب والصداقة والجنس، بيبقى عايز التلاتة مع بعض. لما تعرف الفرق بين الصداقة والحب هتعرف تختار اللي تتجوزها”. موضحا أن من يفهم الفرق يعلم كيفية الاختيار جيدا للزواج.