عمرو الورداني يوضح حقوق الزوجة إذا طلبت الطلاق
زياد ياسر
رد الدكتور عمرو الورداني، أمين الفتوى بدار الإفتاء المصرية، على سؤال أحد المتابعين حول حقوق الزوجة في حالة طلبت هي الطلاق.
قال “الورداني” خلال برنامج “ولا تعسروا“، مساء الأحد، المذاع عبر شاشة القناة الأولى المصرية: “هي طلبت الطلاق، أنت روحت طلقتها من نفسك، إحنا ملناش علاقة بمين طلب الطلاق، إحنا لينا علاقة بهيئة الطلاق، وكيفية الطلاق”.
نرشح لك: هل يجوز صرف مبلغ وجدته ولم يسأل عنه أحد؟ عمرو الورداني يجيب
أضاف: “لو الطلاق تم، سواء هي من طلبت أو أنت طلقتها، ستأخذ كل حقوقها، مؤخر صداقها، ونفقة العدة ونفقة المتعة، وهتأخذ الأشياء المكتوبة إذا كنتوا موثقينها زي القائمة”.
كما قدم الدكتور عمرو الورداني، نصائح للأزواج المقبلين على الطلاق، قال: “أنا شايف أننا لسه بينا وبين الطلاق خطوات، ممكن نقعد ونتكلم، لازم نجيب ناس عقلاء من الأسرتين نتكلم مع بعض، لو محصلش تعالوا على مركز الإرشاد الزواجي، عشان محدش يكون قريب من الظلم”.
تابع: “مين معندوش طباع مختلفة عن شريك حياته، بس الشطارة مش أنك تخلي طبعك سيف على كل اللي بيتعاملوا معاك، لكن الحكيم، هو اللي يخلي طبعه ده يفتح قلب اللي بيتعامل معاه، ويعمل تطبيع مع شريك حياتك، بس ده بإرادة وتفكير وبكلمة حلوة، مهما كان طبعك هيكون ده طريق السعادة بينكم”.
