رامي صبري: أغاني المهرجانات مبتعملش حاجة غير ترقص الناس

قال الفنان رامي صبري، إن أغاني المهرجانات والراب قديمة وليست جديدة، ولكن هناك تغيرات تحدث في الموسيقى كل 30 عام، لافتا إلى أن أغاني المهرجانات فن وله جمهوره ويجب أن يحترم.

أضاف “صبري” خلال مداخلة هاتفية في برنامج “التاسعة” المذاع عبر شاشة “الأولى المصرية”، وتقدمه الإعلامية شافكي المنيري: “في مطربين بيجيلهم إحباط، هو أنا ليه أتعب وأشقى ويجي طالع بقاله يومين يعديني عشان عامل أغنية مهرجانات، في ناس بتفكر كده كتير”.

نرشح لك: استمع.. أغنية “إحنا في حتة تانية” لـ رامي صبري

أشار: “المهرجان مزيكا طول عمرها موجودة ومش جديدة، والراب موجود من زمان مش جديد، بس هو الفكرة أن كل 30 سنة بيحصل حاجات في المزيكا حتى في الإعلام والسينما.. أغاني المهرجانات مش هتفكرك بوالدك أو جوزك أو إبنك أو ذكريات بحد بتحبيه أغنية المهرجان مبتعملش حاجة غير أنها ترقص الناس”.

أردف: “لما المهرجانات بتشتغل في عيد ميلاد بنبسط، أنا مش ضدها خالص، أنا مش ضد أي فن من أنواع الفنون أدام الناس قبلته، المهرجانات فن طبعا، لها جمهور، وناس بتدفع فلوسها يبقى فن ولازم يحترم، ولكن هل هو الفن ده اللي إحنا عايزينه يبقى ترند رقم واحد في مصر، مينفعش رقم واحد في مصر يبقى المهرجان غلط، المهرجان تحديدا نوع من أنواع المزيكا الشعبي اللي تحت أوي”.