عمر كمال: التكاتك سبب في شهرتنا

قال الفنان عمر كمال، إن أحد أسباب شهرته هي “التكاتك”، والناس البسطاء الذين يقيمون في المناطق الشعبية، موضحا أنه كان يبيع الشرائط الدينية حتى يصل إلى غايته وهي الغناء.

أضاف “كمال” خلال لقائه في برنامج “يحدث في مصر” المذاع عبر شاشة “mbc مصر” ويقدمه الإعلامي شريف عامر: “طبعا التكاتك شهرتنا، أساسنا، إحنا بنطلع من فوق لتحت، اللي تحت ده هو اللي طلعني، الطبقة بتاعت الشعبي الناس البسيطة هي اللي عملتني، اللي فوق سمعوا عني لما اللي تحت شاوروا عليا، بعد ربنا”.

أشار: “بنزل أجامل في أفراح وأروح قاعات بسيطة جدا، أنا نازل من الطيارة بعد آخر حفلة عملتها في نيويورك وكنت نازل فرح في منطقة شعبية جدا في الأقاليم، هما دول اللي عملوك، لكن لو جه لي فرح في منطقة هتسيء ليا مش هروح، أنا شكلي بيليق في حتة معينة بروح لها، زمان كنت بعمل أفراح في الشارع، وجمهور الشارع متلقي نوع معين من شكل الغنا عمر مش هيديهوله، أنا ربنا ميزني في القاعة أكتر.. شروطي أروح الفرح اللي شبهي”.

استطرد: “أنا دورت على وسيلة عشان أثبت للناس إني أقدر أعمل حاجة لأن مكنش حد مصدقني خالص، أنت فين؟ أنت جوا بلد بعيدة خالص عن الأضواء والشهرة ولا حد من عيلتك ولا قريبك بيغني، أنا واحد ببيع شرايط دينية، بس الناس مش فاهمة إني كنت ببيع شرايط عشان أوصل لغايتي”.

أردف: “خدت صحابي ورحنا حديقة الأسماك الساعة 7 الصبح، وقعدت تحت بلكونة بعد الحليم من الساعة 7 للساعة 11”.