شيرين: بنتقي الأدوار عشان كده بقعد كتير في البيت

قالت الفنانة شيرين، إنها تحب المسرح جدا، فلقاء الجمهور مباشرة بشعرها أنها ما زالت على قيد الحياة، موضحة أنها بدأت رقص الباليه على مسرح دار الأوبرا المصرية عندما كانت في سن 10 سنوات.

أضافت “شيرين” خلال لقائها في برنامج “مساء dmc” مع الإعلامي رامي رضوان المذاع عبر شاشة “dmc”: “أنا بمتحن نفسي على المسرح، وبحبه جدا.. اللقاء المباشر مع الجمهور بيحسسني إني عايشة وبدأت أعمل مسرح من وأنا عندي 10 سنين في الباليه”.

نرشح لك: بصرخ لوحدي.. برسالة مؤثرة إيمي سمير غانم والديها

تابعت: “أنا رقصت باليه في دار الأوبرا المصرية، ولما اتحرقت قعدت مولعة 3 أيام ومكنش حد عارف يطفيها، مع المطافي كانت قدامها، والأوبرا دي بيتي اللي بروح أعرض وأتمرن عليه، فلما اتحرقت حسيت إني ضعت، بيتي اتحرق.. كان في بديل هو البالون بس برضو اتحرق”.

فيما كشفت “شيرين” عن شخصيتها في مسلسل “سوق الكانتو”، التي ستطل من خلالها على الجمهور في الموسم الرمضاني المقبل قائلة: “طالعة ضيفة شرف في مسلسل “سوق الكانتو”، مش حد أساسي، هتشوفوني شوية صغيرين بس أقول للناس كل سنة وأنتم طيبين، وعجبني في الشخصية أنها مش ست مصرية، وأن المسلسل سنة 26، وأنا كنت أتمنى أعيش في الوقت ده بس أكون مصرية”.

أشارت: “مع شديد الأسف أنا بنتقي الأدوار عشان كده بقعد أهوي كتير في البيت، بس مبيهمنيش مش بتضايق، لأني خوافة جدا أعمل حاجة متعجبش الجمهور هيبقى دمي تقيل أوي”.

أردفت: “الجمهور اللي حبني وحب أعمالي لازم احترمه، وأكون قد حبه ليا، ولازم أخلي بالي من طريقتي وشكلي، هقولهم إيه؟ وهما نفسهم يسمعوا إيه؟ دي حاجات كلها لازم أبقى خايفة وأنا بقابلهم”.