معتز الدمرداش عن والدته: عمرها ما خذلتني بسبب دور

قال الإعلامي معتز الدمرداش، إن والدته الفنانة الراحلة كريمة مختار جزء من أي شيء حققه في حياته، سواء على المستوى المهني أو الشخصي، موضحا أنه تعلم منها الثقة وحب الناس.

أضاف “الدمرداش” خلال لقائه في برنامج “مساء dmc” المذاع عبر شاشة “dmc” وتقدمه الإعلامية إيمان الحصري: “والدتي جزء كبير من اللي حققته في حياتي المهنية كإعلامي والشخصية، وخدت منها الثقة وحب الناس، وخدت منها حاجة مهمة جدا كراجل في مجتمعنا إني رافع راسي في وسط المجتمع، مكنش في دور مكسوف منه، مفيش حاجة عليها نوع من الجدل فأنا أبقى قاعد حاسس أنها خذلتني في شيء، ده بالعكس سيرتها الطيبة كانت بتفتح لي الأبواب”.

نرشح لك: بعد تحقيق “الموسيقيين”.. تغريم عمر كمال 50 ألف جنيها

معتز الدمرداش

أوضح: “إحنا كبشر صنيعة الأسرة اللي نشأنا فيها، هي اللي بتشربني القيم وبتقولي تجربتها وهي الوحيدة اللي بتبقى نفسها ابنها يبقى أحسن منها.. المفاجأة أن ماما كريمة في البيت مش هي ماما كريمة في الدراما، الدراما بتصنع شخصية وهي كانت موهبة في التجسيد”.

أشار: “مثلا شخصيتها في (العيال كبرت)، أم حنونة ومعطاءة ودمها خفيف وبتلم العيال حواليها، بس كانت تتسم بالسذاجة، لكن ماما كريمة كانت طيبة قوي بس مش ساذجة، وكانت شديدة الصرامة معانا وإحنا أطفال”.

معتز الدمرداش

الإعلامية إيمان الحصري الفنانة الراحلة كريمة مختار رئيسية مساء dmc معتز الدمرداش نيوز ليتر