12 تصريح لإيناس الدغيدي في "آخر النهار" أبرزهم "الكبت الجنسي سبب الثورات" - E3lam.Com
إعلام.أورج
استضاف الإعلامي خالد صلاح، المخرجة إيناس الدغيدي، في حلقة خاصة من برنامج “آخر النهار”، المذاع على قناة “النهار”، مساء اليوم الثلاثاء، حيث صرحت بآرائها المعروفة بالجرأة في موضوعات مختلفة، مثل الفن والسياسة.
إعلان.أورج ينشر أبرز 12 تصريح لإيناس الدغيدي في “آخر النهار”:
1- لم أنوي الاصطدام بالمجتمع، لكن ده تفكيري الحقيقي.. أنا ست منفتحة وبتكلم عن الواقع بعيدًا عن الاصطناع أمام الكاميرا.. لكن عمري ما بتكلم عشان أعمل “فرقعة”.
2- الكاتب أحمد رجب قال لي “أنا زعلان عليكي.. بقالك سنتين متهاجمتيش وده معناه إنك مش موجودة”.
3-من أسباب قيام الثورات هو “الكبت الجنسي”، وأضافت موضحة: “الشاب لما يوصل للثلاثين وهو حاسس بالحرمان الجنسي ومفيش حياة كريمة وظروف اجتماعية صعبة بيثور”.
4- الجنس والدين هما “تابوه” المجتمعات الإسلامية.. إحنا في مجتمع يدّعي التدين بالإسلام.. لكن الكلام غير التصرفات.
5- على عكس هجوم الكتّاب عليّ.. بحس إن الناس في الشارع بتحترمني، وبشوف نظرة التقدير في عيونهم، مضيفة “ستات كتير بتقولي إنتي بتعملي اللي مش بنقدر نعمله”.
6- مشروع تخرجي كان عن “الكبت الجنسي”، وبعدها اكتشفت إني بتشد لهذه النوعية من الموضوعات، ووالدتي كانت بتقولي “ليه يا بنتي تعملي كدة أنا مبحبش اسمع الناس تقول عليكي حاجة”.
وعن حال السينما قالت:
7- مفيش فنان مش واخد موقف من “الشركة العربية” وإسعاد يونس كمنتجة، أنا مخدتش فلوس فيلم “استاكوزا” لمدة أربع سنين، والمخرج داود عبد السيد مخدش فولس فيلم “مواطن ومخبر وحرامي” إلا بعد 5 سنين، ومرضيناش نرفع قضية لأنها فنانة زميلة، لكن هي تحولت من فنانة لشركة عايزة تكسب.
8- أفلام السبكي “عبيطة” وملهاش سعر في الدول العربية ، النهاردة معندناش ثقة في الفيلم المصري بسبب نوعية أفلامه وممثليه واللغة الجديدة التي يفرضها على المجتمع المصري، وياريت يقدم عُري لكن هو بيقدم قُبح.
9- يجب على التلفزيون المصري أن يشارك بنسبة في الأفلام ولو 15 % وأن يكون له الحق في عرضها مدى الحياة، لأن هناك أفلام يحتكر المنتجون عرضها على قنواتهم الفضائية الخاصة، ويكون على التلفزيون شرائها حتى يتمكن من عرضها.
وحول الانتقادات التي وجهت لنبيلة مكرم، وزيرة الهجرة حول ملابس أثناء حلف اليمين، قالت:
10- كان عليها ارتداء ملابس “فورمال” ولكن كانت ملابسها “سبور” على موقف حلف اليمين، والناس انتقدت “النص كم” عشان مش عارفين الغلط فين، لكن لأني درست بروتوكول فالخطأ أن ملابسها “مش فورمال” فقط.
وعندما طلب خالد صلاح منها توجيه حديثها لبعض الأشخاص، قالت:
11- بحس إن يسرا مسئولة مني، لأنها شخصية مرهفة وبتهتم بتفاصيل كل من حولها.
12- ووجهت حديثها للرئيس السيسي قائلة: نفسي أشوف أربعة نواب لرئيس الجمهورية، وليس نائب واحد فقط كما هو متعارف عليه، ويكون لهم صلاحيات حقيقية وليسوا فقط مستشارين لأن “الحمل تقيل”.