متابعة تشكو: زوجي يصفني باسم حيوان.. ومصطفى حسني يرد

رد الداعية مصطفى حسني، على سؤال متابعة تقول فيه إن زوجها يوصفها باسم حيوان أثناء النقاش ولا يعتذر، فماذا تفعل؟

قال “حسني” خلال مقطع فيديو نشره عبر قناته على “يوتيوب“، إن النبي صلى الله عليه وسلم إذا سمع ذلك سيغضب، لأن هذه ابنته، موضحا أن الله سبحانه وتعالى هو من قال ذلك في القرآن الكريم، لافتا: “لما سيدنا لوط قال للرجالة أنتوا ليه بتعملوا الفعل بتاعكم ده مع الرجالة ما تتزوجوا النساء، قال (هَؤُلاءِ بَنَاتِي هُنَّ أَطْهَرُ لَكُمْ)، فالعماء فسروا أن مش بناته اللي مخلفهم لا بنات الأمة بيسموها الأبوة الروحية”.

نرشح لك: الشيخ أحمد تركي يرد على تحريم مشاهدة مباريات كرة القدم

أشار: “المواجهة الجادة وعدم السماح أن الكلمة دي تتقالك، أنا متقوليش يا بهيمة متقوليش يا حمارة، أنا مش عايزاك تقولي الكلمة دي وبعدين أنت ترضى أقولك الكلمة دي، ولو معتذرش قولي لأهله ودخليهم في الموضوع، ولو أهله معملوش حساب للمسألة دي، دخلي أهلك متتشتميش”.

أردف: “أنا مش بقوم بس بقول الكلام ده عشان لو سمحتي له يشتمك أنتي بتأذيه وبتأذي نفسك، في مثل مصري بيقولك سكتنا له دخل بحماره، هو البني آدم كده لما ميبقاش في خطوط يتعداها يسوق فيها، بكرة يشتمك شتيمة أقبح من كده أو يمد إيده لو بتحبيه هو أقفيله، لما يرجع لعقله وشياطنه يبعد عنه هيقول شكرا يا مراتي يا حبيبتي”.

مصطفى حسني