شاشة

عمرو أديب محذرًا الأهالي من المخدرات: “شكلها اتغير عن زمان”

حذر الإعلامي عمرو أديب الأهالي، من تغير شكل المخدرات التقليدي المتداول في الأعمال الفنية، مؤكدًا أن الشباب الذي يسافر للخارج من الممكن أن يتعرض لما تعرضت له الفنانة منة شلبي في المطار، بسبب عبوات مخدرة يظن البعض أنه لا ضرر منها.

قال “أديب” خلال حلقة مساء الجمعة من برنامج “الحكاية” المذاع على قناة “mbc مصر”: “لم تعد المخدرات في الشكل اللي بنشوفه في الأفلام كيس البدرة وسلفانة الحشيش نو، انسى الأفلام دي خالص، بقت بتيجي في مئة شكل وشكل، ويبدو عليها إنها حلويات، إنها بونبون أو لبان، فيرجعلك ابنك في البيت وهو حاطت العبوة وأنت مش عارف ولا تتخيل أبدًا إن فيها مادة مخدرة”.

نرشح لك: أنكرت علاقتها بالمضبوطات.. ملخص أقوال منة شلبي أمام النيابة

أضاف: “والحاجات دي بتتباع برة في بعض الدول في محلات عادية، فناخد بالنا ونحذر عيالنا اللي بيسافروا برة، عشان عندنا رجالة في الجمارك صاحيين وعارفيين كل ده من اللي مر عليهم قبل كده”.

شدد الإعلامي على أن المخدرات ممنوعة في مصر، ولم يتغير شيء عن السابق، حتى وإن كان تم تقنين بعض المواد في دول أخرى، معلقًا: “هقولكم خبر هتضحكوا لما أقوله المخدرات ممنوع تداولها في مصر، معلش بقولكم كده، عشان لو حد متخيل إن في حاجة اتغيرت في الدنيا، لأ لا شرعية للمخدرات في مصر وعدد كبير من دول العالم، وفي بعض الولايات الأمريكية”.

عمرو أديب

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock