سمية الخشاب: مش قافلة باب الارتباط
علقت الفنانة سمية الخشاب على تطابق اسم مسرحيتها “كازينو بديعة” مع الفنانة بشرى، وتجسيدهم لنفس الدور، لافتة إلى أن الموضوع يستحق تناوله بطرق مختلفة.
أعربت “الخشاب“ عن حبها الشديد للفنانة بشرى، فقالت خلال لقائها مع برنامج “mbc trending“: “إحنا صحاب ولسه متكلمين من قريب ومفيش أي حاجة بينا خالص وبقولها أنتي حبيبة قلبي وربنا يكرمك ويوفقك، هي جميلة وجدعة وهي برج الميزان هي جدعة لأني تناقشت معاها في كذا موقف وكانت بـ 100 راجل يعني.. بشرى ليها مواقف حلوة كتير أوي معايا وأنا بحبها وبتمنلها كل الخير“.
نرشح لك: سمية الخشاب: لو عايزين تفلحوا اقفلوا بقكم
وعن تطابق اسم مسرحياتها “كازينو بديعة” مع الفنانة بشرى لفتت إلى: “الموضوع دسم وغني وكله أحداث وهو حكاية كبيرة، بديعة مش شخص عادي والموضوع يستحق أن يتناول بطرق وأشكال مختلفة وكل واحد هيؤديه بطريقته.. وفاة والدتي هو أكبر محنة في حياتي وأثرت فيا جدا ودخلت في وقت نفسيا صعب وماكنتش بخرج من البيت فربنا سبحانه وتعالى ألهمني أني أشغل نفسي“.
بالنسبة للأخبار التي يتم تداولها كل فترة عن زواجها،قالت: “أنا بقيت عايزة أسافر أي قطب لأن الصمت حلو جدا عشان بنخرج من بعده بنتايج عظيمة وأنا مبقتش أستحمل الرغي والكلام الكتير اللي ملهوش لازمة ولا داعي .. أنا مركزة دلوقتي في سمية وشغلي وحياتي وأهلي وأنا مش قافلة باب ارتباطي بحد بس أنا في وقت معين في حياتي دلوقتي حاسة فيه بسلام وروقان يعني عايشة حالة جميلة مع نفسي فمش ناقصة وجع دماغ بسبب الرجالة“.
أضافت: “أنا مش عايزة أي صفات في الراجل مش عايزاه أساساً.. خليهم مع نفسهم هم“.
View this post on Instagram
