أسامة منير ينتقد ضرب الرجل للمرأة
انتقد الإعلامي أسامة منير، شروع بعض الرجال في ضرب زوجاتهم خاصة أمام الأبناء.
قال “منير” خلال الفيديو الذي نشره عبر حسابه الشخصي على موقع “إنستجرام” الآتي: “لو بيتهيقلك إنك لما تضرب مراتك إنت كده راجل؟.. لأ مش راجل ولا عمرك كنت راجل، الراجل ميمدش إيده، الراجل عنده دماغ يفكر بيها، الراجل يحتوي، يحتضن.. الست كل اللي بتحلم بيه إنها تشعر بالأمان”.
نرشح لك: أسامة منير ينتقد الشخص غير المتعاون: دايما خسران
تابع: “عيالك اللي بيشوفوا أمهم بتضرب وبتتهان كل يوم هيطلعوا عاملين إزاي؟!”.
أضاف: “اللي بيحرق دمي أكتر إن الست ترجع لأهلها تقولهم إلحقوني جوزي بيضربني يقولولها وماله استحملي”.
View this post on Instagram
في سياق آخر قال الإعلامي أسامة منير، إن أزمة منتصف العمر تأتي للرجال والنساء، موضحًا أنها تكون بنسب حسب التوقيت الذي تأتي فيه.
تابع “منير” خلال لقائه في برنامج “كلام الناس” المذاع على شاشة “MBC مصر”، وتقدمه الإعلامية ياسمين عز، أن أزمة منتصف العمر من الممكن أن تأتي للشخص في أوائل الأربعينات وفي هذا الوقت تكون جاءت مبكرا، أو في الستينات وهذه متأخرة، أو تأتي في منتصف الخمسينات، على حسب ما عاشه وما حصده وما ضحى به الشخص في حياته.
أضاف: “القصة بتيجي هنا.. أنا تعبت واشتغلت، هل أنا حققت الرسالة بتاعتي؟ هل أنا أرضيت كل الناس اللي حواليا وأسعدتهم؟ وأنا فين من ده كله.. ويمكن أنا عملت غنوة على ده”.
أوضح: “في الفترة اللي فاتت أنا مريت بأزمة منتصف العمر، ومفيش راجل ممرش بيها، ومريت بيها بشدة وبقوة.. وبدأت أفكر بشكل تاني، يعني أنا عايز أعمل مشروع.. طب تعمله ليه؟ فاضلك كام سنة عشان تعمل فيهم الشغل ده؟ عقبال ما ينجح المشروع ده هتلحق تستمتع بيه”.