حسن شاكوش: "دفعت فلوس لعضو مجلس نقابة سابق عشان أشتغل"

كشف الفنان حسن شاكوش، مطرب المهرجانات الشعبية، عن دفعه لأموال لأعضاء داخل النقابة نظير الغناء.

قال “شاكوش” خلال مداخلة هاتفية مع الإعلامية إنجي أنور، ببرنامج “مصر جديدة“، الذي يبث على قناة “etc”: “سيادة النقيب من قبل ما يمسك كنت بروح له البيت زيارات عنده وعياله صحابي وهو أكتر واحد عارف أن الدنيا مكنتش مظبوطة خالص، إحنا كنا بنشتغل بالأمر من جوة المجلس، أنت هتدفع كذا لا مش هتشتغل، ودفعت فلوس لعضو لمجلس نقابة سابق عشان أشتغل”.

نرشح لك: مصطفى كامل: بصمت ومضيت مطربي المهرجانات على الالتزام بشروط النقابة

 

تابع: “أنا وضحت للنقيب مصطفى كامل أنا كان قصدي إيه.. أنا اتظلمت من مجلس النقابة السابق، والأستاذ هاني شاكر مكنش يعرف إيه اللي بيتلعب من تحت الترابيزة، هو فخ واللي أنا حاسه أن أستاذ هاني شاكر مكنش يعرف الكلام ده وربنا يكرمه في حياته اللي جاية”.

ومن جانبه قال مصطفي كامل نقيب المهن الموسيقية، إن مطربي المهرجانات الشعبية تعرضوا للظلم من أعضاء داخل مجلس نقابة المهن الموسيقية السابق: “أنا ومجلسي بنحارب تشكيل عصابي داخل النقابة”.