مصطفى كامل: مينفعش حنيتي تضر أجيال بالمهرجانات

قال الفنان مصطفى كامل، نقيب المهن الموسيقية، إن ملف مطربي المهرجانات ملف شائك، ويجب أخذ القرار فيه بموضوعية، موضحا أنه لن يقدر على منع هؤلاء الشباب من الغناء إطلاقا وفي نفس الوقت لا يمكنه الأبقاء على الإسفاف الموجود.

أضاف “كامل” خلال حواره مع “اليوم السابع“، أنه في حيرة بسبب هذا الأمر، لافتا: “إيدي دي اكتشفت وليد سعد، أجمل ملحن في مصر، وجابت طالب في سنة أولى وزع لي أهم غنوة في حياتي، وجابت بهاء سلطان، الإيد اللي تصنع الناس، وربنا جعلها سبب في لمعان الناس عمرها ما تأذي”.

نرشح لك: شرط مصطفى كامل لاستمرار مطربي المهرجانات

أشار: “أنا يعز عليا أكون إيد باطشة، وفي نفس الوقت مينفعش حنيتي تضر أجيال، الموضوع كببر وأنا مش هقدر أخد فيه قرار لوحدي أنا قلت هجتمع بمجلس النقابة واستدعي بعض النقاد ونتناقش، أنا مش عايز أخد القرار ويقولك مصطفى كامل موت العيال أو مصطفى كامل دور المهرجانات”.

أردف: “أنا هدفي العام متبوظش ولاد الناس ولا تبوظ ولادي متتلفش ثقافتهم اللي عشت عمري كله عايز أطلع ابني محترم شخصية جميلة حتى عيوبي مش عايرها في ابني، مش جزائي تقول له انتش وأجري واديني في القلة”.