مسئول بالبترول يسب فريق محمود سعد

18 سبتمبر 2015 | 01:52 صباحاً

سخر الاعلامي محمود سعد، من تصريح دكتور حسام عرفات رئيس الشعبة العامة للمواد البترولية، بسبب إرجاع الأخير أزمة نقص البنزين إلى الإشاعات وذهاب عدد كبير من المواطنين إلى المصيف بالساحل الشمالي والإسكندرية.

وتابع “سعد” سخريته خلال تقديمه حلقة أمس الخميس من برنامجه “آخر النهار” الذي يُعرض على قناة النهار، قائلاً: “انتوا شعب مش كويس بتقولوا إشاعات، وبيجيلكوا البنزين وبتنكروه، وبتروحوا تصيفوا في الساحل الشمالي، حد يصيف في الصيف!!.. وكده تعملوا مفاجأة للدولة؟ ..طيب وزعوا نفسكم على شهور السنة، ناس المفروض تسافر في ديسمبر، وناس تسافر في فبراير…انتوا شعب مشاكلكوا كتير… أمي علمتني ان اللي يكلمك ويهينك لازم تاخد حقك، كله إلا أنك تتقهر… بس ربنا يقهر أى حد عاوز يقهر أى حد”.

وأوضح سعد أن “عرفات”، سب معدة ببرنامجه تُدعى “هايدي”، بعدما أنهى المكالمة معه، قائلًا: رحم الله مصر من مسؤول لا يحتمل الرأي الأخر، راح يشتم بنت صغيرة من الإعداد، وأنا معنديش مشكلة إنه يتصل بيّا ويهاجمني ويسبني، لكن يشتم بنت من الإعداد صغيرة، ده مش مسموح، وهى هتقول الكلام ده في المحكمة”.