مدير مهرجان الموسيقى العربية: "اعتذارات النجوم ليست بسبب الماديات"
كشف المايسترو محمد الموجي، مدير مهرجان ومؤتمر الموسيقى العربية، كواليس اعتذار عدد من النجوم عن المشاركة في الدورة الـ 34، والتي تحمل اسم الفنان هاني شاكر، موضحا أن إدارة المهرجان كانت تستعد لتواجدهم قبل تصريحات دكتور رضا الوكيل.
محمد الموجي
قال "الموجي" في حواره مع برنامج "الستات"، المذاع على شاشة "النهار" وتقدمه الإعلاميتان مفيدة شيحة وسهير جودة: "السنة حصل حاجات كده مش لطيفة شوية، بعض المطربين خدوها بشكل مش لطيف وشخصي".
فنانون مهرجان الموسيقى العربية
أضاف: "ما حدش يقدر يهينهم أو يجي جنبهم خالص، لأن سيرتهم وتاريخهم كبير، التصريحات بس اتفهمت بشكل مش لطيف، فخدوا قرارات ضايقتنا إحنا وعملت لنا مشكلة".
أوضح: "بالنسبة للاعتذارات اللي حصلت، دول ما كانش عندهم مشكلة في الماديات وكنا بالفعل متفقين معاهم وكل حاجة ماشية كويس، لكن الدكتور رضا الوكيل رئيس دار الأوبرا قال بعض التصريحات في المؤتمر فهما اتضايقوا منها".
مهرجان الموسيقى العربية
كما تحدث عن أزمة الميزانية، قائلا: "إحنا كان عندنا مشكلة بالنسبة للماديات شوية، إن يكون فيه ترشيد شوية في الأجور".
استكمل: "ميزانية الدورة الـ 34 أقل من نص ميزانية الدورة السابقة، ومع ذلك كان في نجوم موجودين، ولما المشاكل زادت فكرنا في رعاة، لكن على مدار السنين اللي فاتت ما كانتش بتواجهنا مشاكل".