فيدرا: "مش عايزة أخلف.. وده قراري من وأنا صغيرة"
كشفت الفنانة فيدرا عن علاقتها بطليقها المخرج الراحل سامح الباجوري، مشيرة إلى سبب عدم إنجابها، وكواليس خلافها مع الفنانة دينا الذي انتهى بصداقة غير متوقعة في كواليس فيلم "العميل صفر".
قالت "فيدرا" ردًا على سؤال حول عدم إنجابها من سامح الباجوري في حوارها مع برنامج "الستات" المذاع على قناة "النهار" وتقدمه الإعلاميتان مفيدة شيحة وسهير جودة: "أنا ما بخلفش من حد.. مش عايزة عيال، وده قراري من وأنا صغيرة"
كما تحدثت "فيدرا" عن حقيقة خلافها مع الفنانة دينا بسبب سامح الباجوري قائلة: "أنا وسامح اتجوزنا مرتين واتطلقنا، وبعد الطلقة التانية بـ 3 سنين اتجوز دينا، أنا وهي لم نتلاقى، لا هي عدت عليا في جوازتي، ولا أنا عديت عليها في جوازتها".
أوضحت: "الخلاف بينا حصل، لأن سامح فضل صديقي المفضل بعد الطلاق، وفيه ناس دخلوا في دماغها حاجات مش صح".
أشارت: " دينا جميلة وطيبة، بس هي ست متسرعة وماشية بدماغها، هي عفوية لدرجة إنها بتقول كلام أوقات ما بتعملش حسابه، وأنا بحب الستات الأقوياء ودينا قوية جدا جدا، مهما عملت فيها الحياة واقفة على رجليها".
وعن كواليس تصالحهما، قالت "فيدرا: "كنا في فيلم (العميل صفر) وهي كانت ضيفة شرف والكل كان متوقع يحصل بركان وخايفين من اليوم اللي هتيجي فيه، فجأة لقيت دينا جاية بتقول لي مش عايزاكي تبقي زعلانة مني، قلت لها والله ما زعلانة ووقفنا على جنب كده، وبدأنا نرغي والناس كلها قاعدة تبصلنا من بعيد ومش مصدقين".