سائق التريلا: لو قفلت على السائق المتهور كنت بهدلته

قال هاني سعيد، سائق التريلا التي ظهرت في فيديو مطاردة السائق المتهور، إن سائقي السيارات المتواجدين على الطريق وقت الواقعة، هم من طلبوا منه التدخل والمساعدة في إيقاف السائق.

تابع خلال لقائه ببرنامج “حديث القاهرة”، مع الاعلامية كريمة عوض، على قناة “القاهرة والناس”: “أنا دخلت على الطريق بمساعدة الناس اللي كانوا في العربيات اللي على الطريق، هما اللي طلبوا مني أوقفه وأساعدهم لأن مكانش فيه حد غيري على الطريق، والموضوع كله مخدش مني 9 دقايق، وكله كان بيصور محدش كان بيساعدني، يمكن البوكس هو اللي ساعدني شوية”.

نرشح لك: كاد يودي بحياة 14 راكب.. سائق التريلا يكشف سبب مطاردته للسائق المتهور

أضاف: “أنا مقدرتش أقفل عليه، لو كنت قفلت عليه كنت هبهدله.. وسواق النقل لو بيخاف هيقعد في البيت ومش هيشتغل، فده مش غرور مني اللي حصل ده توفيق من عند ربنا”.

كان النـائب العام أمر بحبس المُـتـّهم المتسبب برعونتِهِ وعدم اتباعِهِ للوائح والقوانين في حـادث بطريق السويس العام، وعرضه على مصلحة الطب الشرعي للتأكد من مدى تعاطيه للمواد المخدرة.