باسم سمرة: أنا أشطر من أحمد السقا

شروق عبد الحميد

قال الفنان باسم سمرة، إن الدراما هي ما تفرض عليه أن يقدم أدوار العنف والقتل، مشيرا إلى أن سبب وفاته في معظم أفلامه هو تفوقه في الأدوار التي يقدمها.

أشار “سمرة”، خلال لقائه في برنامج “واحد من الناس” الذي يقدمه الإعلامي عمرو الليثي على قناة “الحياة”، إلى أن سبب موته في معظم أعماله الفنية مثل فيلم “الجزيرة” هو تفوقه وشطارته الملحوظة، موضحا: “موتوني في فيلم الجزيرة علشان كان هيكون فيه جزء تاني ولو أنا كنت موجود كنت هقعدهم في البيت علشان شاطر طبعا وأنا أشطر من أحمد السقا بكتير لأنه في حتة وأنا في حتة”.

نرشح لك: باسم سمرة عن مسلسل “ذات”: نيللي كريم استفادت مني

 

تابع: “وحذفوا دوري في فيلم إبراهيم الأبيض علشان وجودي كان هيعمل قلق، وأنا مش عارف حذفوه ليه لكن أنا عملت دور أكتر من رائع، وأنا من رأيي أن السقا هو اللي عمل كدة وبقوله تحياتي يا حبيبي ومش زعلان منه لأنه هو اللي خسران”، موضحا أنه تحدث مع الفنان أحمد السقا عن حذف دوره ونفى علاقته بذلك.

استكمل: “أنا كلمت السقا نفسه قالي أنا مش مسؤلع عن أي حاجة أنا مالي هو أنا المخرج ولا المؤلف! كدة يعني، وكلمت المخرج مروان حامد قالي الجرافيك ما ظبطش”.

أوضح أنهم أثناء تقديم فيلم”الجزيرة” لم يكونوا على علم بأنه سينجح وسيقوموا بتقديم جزء آخر منه، لافتا إلى أن سبب نجاح الفيلم بناءً على رد فعل الجمهور هو دور “حسن” الذي قدمه ودور الفنان محمود ياسين وليس دور “السقا”.

كما أشار إلى أنه لم يكن على علم بحذف مشاهده من فيلم “إبراهيم الأبيض” حتى يوم الافتتاح، متابعا: “الواحد بيبقى متوقع أنه بيعمل شغل حلو ونازل الافتتاح بقى فتلاقي تليفون جالك بيقولك خلي بالك المشاهد بتاعتك اتشالت، فضلوا عاملين ليا المفاجأة لغاية يوم العرض وزعلت جدا وما روحتش طبعا العرض”.