أحمد موسى عن شائعة مرضه: لازم أرد عشان الناس القلقانة
رد الإعلامي أحمد موسى على شائعة نقله للمستشفى إثر تعرضه لأزمة صحية، قائلًا: “النهارده لقيت ناس بيكلموني ويكلموا بيتي وأولادي يطمنوا عليا، ولكني الحمدلله أنا أهو موجود ودي أمنيات من الكارهين للدولة المصرية”.
وأضاف “موسى” خلال تقديمه برنامج “على مسئوليتي” المذيع على فضائية “صدى البلد” اليوم الاثنين: “طلعت أحد مواقع الإخوان المداره من تركيا الخاص بالتنظيم الدولي الإرهابي، أخبار عن صحتي، مش عارفين يعملوا ايه عشان يخلصوا مننا بس مش بإيدهم ولا بأيد حد ده بأيد الواحد الأحد”.
نرشح لك: أحمد موسى بعد الحكم بإعدام قاتل شيماء جمال: البلد دي لا تعرف قاضي ولا غفير
وتابع: “إحنا واجعينهم وهنفضل نوجعهم وهنفضل ندافع عن بلدنا لآخر نفس، ومش هنبقى زيكم وإحنا واجهناكم في عز وجودكم في البلد”.
وأردف: “ممتن لكل الناس اللي عمالين يتكلموا ويطمنوا على صحتي والحمدلله مفيش فيا حاجه، هما بيستهدفوا الدولة وكل دقيقة شائعة فطبيعي يتكلموا عليا لأنها مش أول ولا آخر مرة، وأحيانًا يستغلوا إني خميس وجمعة إجازة فيضربوا ثلاث أو أربع شائعات وراء بعض، ولذلك كان لابد من الرد عشان الناس اللي قلقانة”.