هل يجوز للمرأة البحث عن رجل آخر لوجود نية الطلاق من زوجها؟ داعية يجيب
أجاب الشيخ حسن الجنايني، الداعية الإسلامي، على سؤال تقول صاحبته: “هل من حق المرأة البحث عن رجل آخر لوجود نية طلاق من زوجها.. بحيث تتطلق من ده وتتزوج التاني”.
قال “الجنايني” خلال لقائه في برنامج “رحلة أمل” المذاع عبر شاشة “الشمس” وتقدمه الإعلامية نانسي توفيق، إن المرأة إذا كانت على ذمة زوجها وتبحث عن رجل آخر فهذه تعد خيانة، موضحا: “الزوجة اللي هتدور الطريقة نفسها لا تليق، المرأة اللي بتبحث ولا الرجل هو اللي بيبحث؟ المرأة هي اللي فيها العفة والكرامة الرجل هو اللي يدور مش هي اللي تمشي عريس يا ناس”.
نرشح لك: الأزهر للفتوى: لا يليق أن تعامل الزوجة معاملة الأجير
أشار: “بس مش كل حالة زي التانية واحدة عايشة مع زوجها عيشة ضنك تقول لك دا فرعون الدنيا الموضوع أصبح موضوع ساقط، الحياة متنفعش الطلاق هنا قد يكون واجبا”.
أضاف: “أنت بتعتدي عليها إنك مش عايز تطلقها فقد قال تعالى (وَلَا تُمْسِكُوهُنَّ ضِرَارًا لِّتَعْتَدُوا)، بتقولك طلقني وأنت مش عايز كارهاك ومش عايزاك، إزاي تعيش معاك وهي مبتحبكش”.