محمد طاهر يحذر من النصب باسم صفحته "فيلم في الخمسينة"
حذر الإنفلونسر وصانع المحتوى محمد طاهر، متابعيه من التعامل مع إحدى الصفحات التي انتحلت شخصيته وابتزت بعض الفتيات بعد أن طلبت منهن صور شخصية لهن.
قال “طاهر” في الفيديو الذي طرحه عبر حسابه الشخصي على موقع “فيس بوك” إنه فوجيء بأن صفحة “قاوم” للجرائم الإلكترونية طرحت منشورا للاستفسار عن شخصه، موضحا: “أنا اتخضيت يعني ايه اللي ممكن يتطلب من محمد طاهر في حاجة زي كده، فتواصل معايا محمد اليماني مؤسس الحملة والصفحة، وقالي إن حد باسم صفحة (فيلم في الخمسينة)، طلب من بنات صور ليهم بحجة انه بيعمل كاستنج لحاجة إذاعية وبعدين بدأ يبتزهم ويطلب منهم فلوس، ودي حاجة مشينة جدا يا جماعة”.
نرشح لك: محمد شاهين: حققت حلمي بالعمل مع هاني خليفة
في نفس السياق، أكد أن الصفحة المشار إليها ليست صفحته وأنها ليست الوحيدة إذ يوجد عشرات الصفحات التي تحمل نفس الاسم، معلقا: “مفيش حد بيتكلم باسم محمد طاهر حتى محمد طاهر نفسه، احنا معانا أمل عقيل هي اللي بتتواصل في أي حاجة وعمرنا ما طلبنا حاجة زي كده، وفي 100 صفحة باسم (فيلم في الخمسينة) حاولنا نقفلهم كلهم وفشلنا، وصفحتنا هي اللي اتقفلت في الآخر، حاولنا ومفيش أمل وفي صفحات فيها أرقام كتير بس دي مش بتاعتنا ومعرفناش نتواصل أو نعمل اي حاجة”.
اختتم حديثه محذرا: “محدش يتواصل مع أي حد اسمه (فيلم في الخمسينة)؛ صفحات (فيلم في الخمسينة) الموجودة دي كلها فيك، مش بتاعتنا للأسف وخلوا بالكم من نفسكم، مش عاوز أبقى الشخص اللي بيدي نصيحة، بس هو فعلا حوار مؤذي وأتمنى انه ميحصلش مع حد تاني”.
