رأي محمود سعد في تجديد الخطاب الديني
رد الإعلامي محمود سعد على سؤال أحد المتابعين حول موقفه من تجديد الخطاب الديني، وهل بالفعل نحتاجه أم الأمر مجرد موضة وتكرار تصريحات.
أوضح سعد عبر بث مباشر عبر حسابه على تيك توك، أن كلمة “تجديد الخطاب الديني” كبيرة وعميقة جدا بالنسبة لنا كأشخاص عاديين، قائلا: “بشوف حد يطلع يقول حجاب ايه ما هو ده شعري ابينه وكده مش الفقهاء اللي قالوا الكلام ده بني آدمين ما أنا بني آدم زيهم، لا أنت مش زيهم ولا أنا زيهم.. دي ناس قعدوا 40 سنة يقرأوا كتب عشان يقدروا يفسروا آية أو حديث”.
نرشح لك: لأول مرة.. مبروك عطية يغيب عن السوشيال ميديا لمدة شهر
تابع: “حضرتك تفرغ لـ ده 40 سنة وادرس لغة وتفسير وأسباب النزول والقراءات والحاجات دي كلها وبعدين اتفضل قول هنقعد نسمعك وإحنا مؤدبين جدا.. مينفعش تطلع تقول أصل أنا شايف.. أيوا أنت مين.. أنا صحفي.. أهلا وسهلا.. بس الكلام في الأمور الدينية لازم يكون من ناس تخصصوا في هذا العلم .. قضية تجديد الخطاب الديني قضية كبيرة جدا تترك لمن تخصصوا في هذا العلم.. وده مش تقديس ده تخصص”.