لا يجوز شرعا.. داعية ينتقد شراء زجاجة مياه بمبلغ 150 جنيه

أجاب الشيخ حسن الجنايني، الداعية الإسلامي، على سؤال شخص يقول فيه: “ما حكم شراء زجاجة الماء المعدنية اللي بتتباع بـ 5 من الأماكن السياحية بـ 150 و200 جنيه هل ده من الإسراف؟ مع العلم إني دافع الزكاة والصدقة وبار بأهلي ومقتدر”.

قال “الجنايني” خلال لقائه في برنامج “رحلة أمل” المذاع عبر شاشة “الشمس”، إن القضية ليست قضية زكاة، ولكنها قضية تكافل اجتماعي، مضيفا: “في ناس بتنام من غير عشاء، في ناس مش لاقية تجيب الدواء.. أنا بأبكي عشان الناس، أنا شوفت واحدة كبيرة دخلت الصيدلية عشان تجيب دواء طلعت الفلوس لقيتها ناقصة 5 جنيه سابت الدواء قالت خليه لما أروح أصرف المعاش”.

نرشح لك: نادية عمارة توضح.. حكم التفرقة في المعاملة بين الأبناء

أشار: “مشتريش أنا زجاجة ماء بـ 150 جنيه وسيدنا النبي صلى الله عليه وسلم علمنا أن الناس شركاء في ثلاث منهم الماء.. الماء لا ميغلاش، أنا لو هشتري زجاجة بـ 50 جنيه مش 150 لا أنا أطلع أمشي مشوار واشتريها بـ 5 جنية والباقي أطعم بيه جائع.. وهتحاسب لأنك بتعين الناس على الاستغلال، لا يجوز أبدا، ولا يجوز شرعا”.