إسلام إبراهيم يهاجم والد النقاش المطرب: "مش بنخلف عشان نستعبدهم"

النقاش المطرب

شدوى ممدوح

وجهه الفنان إسلام إبراهيم رسالة خاصة إلى والد النقاشين الموهوبين، معاتبا فيها عليهما لكونهما السبب في تعطيل مستقبل نجليهما.

نشر “إبراهيم“ صورة للشابين خلال استضافتهما في برنامج “الستات ما يعرفوش يكدبوا“، عبر حسابه الشخصي على موقع التواصل الاجتماعي “فيس بوك” معلقًا: “أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص، فكرة إنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كرمهم بالوسامة والموهبة والصوت الحلو وعندهم المؤهلات إنهم يكونوا نجوم ومتحاولش تساعدهم إنهم يحققوا حلمهم أو يعملوا الحاجة اللي بيحبوها وتفرض عليهم قيود ومسؤليات مش بتاعتهم زي إن هما يجهزوا خواتهم البنات اللي أكبر منهم“.

نرشح لك: تعرف على النقاش الموهوب صاحب فيديو الغناء الشهير

أضاف: “حضرتك البنات دول أنت اللي خلفتهم مش هما والحياة دي حياتك أنت مش حياتهم هما وتفرض عليهم يكونوا نقاشين وده مش تقليلا من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده“.

اختتم “إبراهيم“ حديثه، قائلا: “خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية، وزي ما طاعة الوالدين واجبة وأي ابن بيفتح بقه أو يعترض علي حاجة مش عجباه بيبقي ابن عاق كمان الولاد أمانة هتتسأل عليها قدام ربنا“.

في أول ظهور على شاشات التليفزيون، حلَّ أحمد سالم صاحب الفيديو المتداول وهو يغني أثناء تأدية عمله كـ”نقاش”، ضيفا على برنامج “الستات مايعرفوش يكدبوا”، مع منى عبد الغني وإيمان عز الدين، عبر قناة “cbc“.

تحدث سالم عن بداياته في الغناء، وانتشار المواهب في أسرته، ولماذا تأخر في الاهتمام بموهبته حتى الآن، موضحا أن ظروف حياته لم تسمح له بالدراسة والاهتمام بالموسيقى، ونظرًا لانشغاله بعمله لم يتعد الأمر مجرد هواية يحبها ويدندن بها في أوقات عمله.

خلال الحلقة قدّم سالم العديد من الأغنيات، سواء للفنانة وردة أو أم كلثوم. كما شكّل دويتو مع منى عبد الغني في اللقاء، وقدّما سويا أغنية “وصفوا لي الصبر” لكوكب الشرق أم كلثوم، وسط تفاعل كبير من الموجودين في الاستوديو.

على صعيد آخر، أشاد الشاعر عمرو حسن في مداخلة هاتفية بالبرنامج، بموهبة أحمد سالم، موضحا أنه ليس مجرد مطرب جيد بل هو تعبير عن صوت وهوية مصر، مضيفا: “هذه الأصوات الحقيقية الكبيرة تتمتع بفطرة كبيرة، فإذا درست ستصل لما هو أبعد من ذلك.. في آلاف المواهب زي أحمد بتحتاج تسليط الضوء عليها، ربما تكون بارقة أمل في تحسن الذوق العام”.