إيمان رياض تكشف معاناتها مع السمنة وكيف فقدت وزنها
كشفت الإعلامية إيمان رياض، أنها كانت تعاني من السمنة قبل الشهرة وعملها كمذيعة، ولفترات طويلة فشلت في إنقاص وزنها، إلى أن وصلت لما هي عليه الآن من وزن “ليس مثالي”، كما وصفته، ولكنها متقبلة نفسها فيه.
قالت “رياض” عبر حسابها على “إنستجرام”: “مامي بعتالي الصورة دي على الشمال النهاردة و بتقولي مين دي؟ باباكي بيقولي ده انتي بس اكيد لاء! شكلها نسيت الفترة دي من حياتي رغم اني كنت لسا ما اتجوزتش وعايشة معاهم بس انا ما نسيتش!”.
نرشح لك: رسالة سمية الخشاب لطلاب الثانوية العامة بعد النتيجة
أضافت: “فاكرة كويس اوى لفي على الدكاترة وأنا بحاول أخس، فاكرة نظرة الناس ليا وأنا بقولهم نفسي ابقى مذيعة، فاكرة إحساسي وأنا واقفة قدام المرايا مش لاقية لبس يليق عليا، فاكرة حبي للأكل اللي كانت أكبر من حبي لنفسي و لصحتي!
فاكرة رد فعلي لما حد بيقولي لازم تخسي و ألاقي نفسي من غيظي باكل أكتر!”.
أردفت: “فاكرة كمان الفترة الفارقة أني أخدت قرار مش هقول لحد إني هعمل رجيم علشان ما حدش يركز معايا، واقنعت نفسي أني مش مستعجلة على الخسسان وإني هقبل نفسي زي ما أنا وهحبها أكتر، وبدأت وحدة وحدة أغير تفكيري ومشاعري ناحية الأكل! و أقوي إرادتي و كأني بنسحب وحدة وحدة من حياة حبيبي اللي بيأذيني وأنا مستسلمة!”.
تابعت: “شغلت نفسي بحاجات تانية غيره، ووحدة وحدة مش فاكرة قد ايه من الوقت وصلت لوزني دلوقتي.. اللي مش مثالي برضه بس راضية عن نفسي، ورافعة شعار: “الرجيم نظام حياة” مش دايت قاسي لفترة و بعدين ارجع تاني!! دي تجربتي باختصار، حبيت أشاركها لكم يمكن تفيد حد”.
View this post on Instagram