هيدي كرم: لا أمانع الزواج من ديانة مختلفة
ردت الفنانة هيدي كرم على تساؤل أحد المتابعين عن موقفها من الزواج من شخص من ديانة مختلفة، موضحة أنها لا تمانع القيام بذلك إذا كان الشخص مناسبا لها.
أضافت هيدي عبر حسابها على إنستجرام أنها إنسانة منفتحة على كل الثقافات والديانات، قائلة: “بشوف ناس كتير اتجوزوا من ديانات مختلفة وزيجاتهم نجحت ومكنش فيها مشاكل.. وأنا بطبعي ست منفتحة على الآخر وعلى الثقافات والديانات المختلفة.. دي طبيعتي وشخصيتي اللي بفخر بيها، فأعتقد لو لقيت إنسان مناسب بجد هوافق”.
نرشح لك: ريهام عبد الغفور تروي تفاصيل التصوير في طنطا في “وش وضهر”
وبسؤالها عن علاقتها بابنها، وموقفها منه حال “قفشته” مع صديقه له، ردت هيدي: “نديم كبر.. لو قفشته مع واحدة هحبها واتصاحب عليها وأعرفها أكتر.. وبالتالي ما اسمهاش “قفشته” اسمها “لو اتعرفت على صاحبة نديم اللي مرتبط بيها”.. هحبها عشان هو بيحبها وهبقى مبسوطة ليه وعايزاهم يبقوا سعدا مع بعض”.
أما فيما يتعلق بموقفها من أدوية الاكتئاب، أجابت: “مش باخد أدوية اكتئاب حاليا.. بس أخدتها في مراحل من حياتي.. وأنا شايفة إنه ليه لأ لو أنا بمر بحالة صعبة مش عيب إني أدور على حاجة تساعدني.. بلاش تقاوحوا”.