عايدة رياض عن مشاركتها في أضاحي العيد: أنا متعودة من زمان

ردت الفنانة عايدة رياض، على الانتقادات التي وجهت لها بسبب احتفالها بعيد الأضحى المبارك، ومشاركتها في ذبح الأضاحي رغم أنها مسيحية، موضحة أن ذلك لا يقلل منها، وأن الذبح موجود في كل الأديان.

كتبت “رياض” عبر حسابها الرسمي بموقع التواصل الاجتماعي “فيس بوك“: “أنا مسيحية وبحتفل بعيد الأضحى، أنا مش شايفة إن الموضوع كان مستاهل كل الضجة دي إطلاقا.. كوني مسيحية وبشارك في الأضاحي وباكل فتة وبنعيش أجواء العيد مع بعض ودي حاجة مش بتقلل مني أو حتى بتثير الجدل بالعكس ده شيء محمود جدا”.

نرشح لك: بعد خبرة 7 سنوات.. كندة علوش تنصح متابعيها بالتوقف عن معرفة أخبار الكوارث

أضافت: “الذبح عموما موجود في كل الأديان السماوية وموجود في ديانتنا وبنشترك كلنا وبنضحي وبنتجمع كالعادة، وخلي اللي يتكلم يتكلم.. وأنا متعودة على كدا من زمان وعمر ما حد كان بيسأل على ديانة حد إيه الدين لله والوطن للجميع وكلنا في الأخر مصريين أخوات وأهل وأصحاب وأحبة ومفيش فرق بينا إطلاقا”.

أشارت: “لما حد كان بيتكلم كلمة مش كويسة عن الإسلام كنت بطلع أرد بنفسي لأننا واحد يا جماعة مفيش فرق بينا لأننا بنتشارك الوطن اللي بيجمعنا على المحبة و الود وطول عمرنا إيد واحدة وهنفضل إيد واحدة واللي يقول غير كدا دول ناس فاضية”.

أردفت: “وأنا مش عايزة أدخل في جدل مع حد من دول.. يارب دايما متجمعين في الخير و دايما أخوات وأهل وأصحاب وجيران وحبايب ودايما إيد واحدة وربنا يخلينا لبعض ويبعد عننا أي فتنة تفرقنا عن بعض”.