خالد الجندي: 4 مصائب تواجه طلاب الثانوية العامة

خالد الجندي: 4 مصائب تواجه طلاب الثانوية العامة
شدوى ممدوح

تحدث الشيخ خالد الجندي عضو المجلس الأعلى للشؤون الإسلامية، عن الفرق بين ما كان يحدث خلال فترة امتحانات الثانوية العامة في الماضي، وبين الآن.

قال “الجندي”، خلال تقديمه لحلقة اليوم الثلاثاء من برنامج “لعلهم يفقهون”، عبر شاشة “dmc”: ”ولادنا في حالة جهاد، واحنا شاغلين الدنيا وعاملين زيطة في الوقت اللي ولادنا عايزين فيه تركيز ولادنا في عرض هدوئكوا لأنهم في لحظة كفاح”.

نرشح لك: خالد الجندي: كل نساء العالمين كانت مغطية راسها

أضاف ”الجندي” أنه كان يتمنى من الصحف والبرامج التلفزيونية والسوشيال ميديا أن تهدأ خلال فترة أداء الطلاب لامتحانات الثانوية العامة، لافتا: ”كنت أتمنى إن كل القنوات والإذاعات وكل السوشيال ميديا والجرايد تسكت لمدة شهر عشان ولادنا يعدوا المرحلة دي على خير من غير منشغلهم بأمور تانية”.

أوضح الشيخ خالد الجندي أن فترة أداء الطلاب لامتحانات الثانوية العامة في الماضي كانت أفضل بكثير من الآن، مشيراً: ”أيامنا زمان كانت أفضل من أيامهم دلوقتي بكتير لأن مكنش عندنا أي معوقات لما كنا بنمتحن الثانوية العامة، والثانوية الأزهريه مكنش عندنا نت ولا كافيهات ولا شيش ولا حتى مصايف وبالتالي كان المجتمع في حالة هدوء نوعي”.

تابع أنه في الماضي كان الجو العام يسهل على الطالب المذاكرة في أي وقت يشاء، مشيراً إلى أن المجتمع كان يخلو وقتها من الفتن والمشاكل عكس ما يحدث فيه الآن من حالات قتل وانتحار، لافتا: ”عندنا 4 مصايب بتحصل لأولادنا محدش واخد باله منها، المصيبة الأولى وهي إن ولادنا في محنة وهي فترة الامتحانات والتانية هي إن الحر شديد عليهم فممكن يحصلهم نوع من أنواع الضعف البدني، والأمر التالت إنهم لسه في فترة المراهقة وأخيرا السوشيال ميديا”.