كلمات أغنية "أنا الأب" لـ مدحت صالح
طرح الفنان مدحت صالح أغنية جديدة بعنوان “أنا الأب” بالتزامن مع عيد الأب، وذلك عبر قناته على موقع الفيديوهات يوتيوب.
أغنية “أنا الأب” من كلمات د. مدحت طلعت وألحان وليد منير وتوزيع أسامة كمال.
نرشح لك: شاهد.. فيديو كليب “صورة منك” لـ أصالة بمناسبة عيد الأب
وجاءت كلمات الأغنية كالتالي:
أنا الأب اللي طول الوقت
غايب غصب عن عينه!
وأنا اللي بيدعي على
همه تملي ربنا يعينه
أنا الشيال وأنا البقال
أنا الأستاذ وأنا الدكتور
وأنا الواقف على رجليه
عشان العيش في قلب طابور!
أنا النجار وأنا البواب
وأنا القاضي وأنا المأمور!
وأنا في ساقية ليل ونهار
عشان بيتي بلف وأدور!
أنا أكتر حد في وجوده
ولاده بيسألوا فينه
أنا الأب اللي طول الوقت
غايب غصب عن عينه!
وأنا اللي بيدعي على
همه تملي ربنا يعينه
أنا الشقيان عشان تاكل ولاده
تملي رزق حلال
أنا اللي وجوده في حياتهم
ميتقدرش عمره بمال!
وصوت مفاتيح في قفل الباب
بيجروا عليه ويتسابقوا!
وأحلى شعور ما بين حضنين
يحسوه لما يتقابلوا!
أنا الأب اللي أولاده
بتمشي ف كل شرايينه
وأنا الأب اللي طول الوقت
غايب غصب عن عينه