علاء مرسي: أنا من أعظم ممثلين مصر

قال الفنان علاء مرسي إنه يرى نفسه من أعظم ممثلين مصر، مضيفا أن الله عز وجل منحه موهبة كبيرة ويعرف قدرها جيدا.

أردف مرسي خلال حواره مع الإعلامية بسمة وهبة في برنامج العرافة عبر قناة المحور: “ربنا ادالي موهبة أنا الوحيد اللي عارف حجمها.. كل واحد عارف موهبته حدودها ايه.. فيه عظماء في المهنة أنا منهم ولكن أنا غبي إداريا مبعرفش أدير موهبتي جيدا”.

نرشح لك: علاء مرسي: أنا غبي في إدارة موهبتي

تابع أن من بين عظماء التمثيل في جيله محمد سعد وأحمد آدم، ومن نجوم الشباك أهمهم كريم عبد العزيز.

في سياق مختلف، قال علاء مرسي: “أنا غبي جدا في إدارة موهبتي.. بجامل ومبعرفش أختار، النجومية رزق لكن فيه إدارة، أنا بقول دايما يارب استر إنه يقولي أنا اديتلك موهبة وانت معرفتش تديرها أو استغليتها غلط”، موضحا أن أعلى أجر حصل عليه لم يتعد 400 ألف جنيه.

من جهة أخرى، قال الفنان علاء مرسي إنه كان يجهز لعمل فيلم، ولكن تم سحبه منه قبل التصوير بأسبوع، وأعطوه للفنان محمد هنيدي.

أضاف “مرسي” أنه بعدها ذهب لمكان التصوير، وقام بتكسير ديكور الفيلم.

أردف: “قلتلهم دة فيلمي، ومتعملش الفيلم، وقالوا دة مجنون، مجنون ليه، أنا جاي أقولك دة فيلمي ملكش الحق إنك تاخده، وهنيدي كان قاعد، وهو مكنش يعرف إن الفيلم دة بتاعي”.

أشار إلى أنه كان يتمنى أن يساعد جيله بعضهم البعض، وقال: “كان عندي أمل إن زي ما إحنا طلعنا مع بعض، نمسك في بعض ونساعد بعض أكتر، وكان عندي عشم كبير في محمد سعد، ولكنه لم يلتفت”.