طارق الشناوي: توفيق عبد الحميد اعتزل بسبب "التهميش"
علق الناقد الفني طارق الشناوي على قرار الفنان توفيق عبد الحميد بالاعتزال عقب الانتهاء من مسلسل “يوتيرن” الذي ينافس به في الموسم الرمضاني الحالي، ويشارك في بطولته الفنانة ريهام حجاج.
أوضح الشناوي خلال حواره ببرنامج “ورا الشمس” عبر قناة “الشمس”، أن اعتزال توفيق عبد الحميد بسبب التهميش الذي تعرض له في مسلسله الأخير، قائلا: “هو عشان شخص عظيم نفى إنه يكون اعتزل بسبب ريهام حجاج وده يحسب له، صحيح ريهام مش السبب بشكل مباشر بالعكس بتعامله زي والدها، لكن السبب إن الكاتب والمخرج عينهم عليها مش على العمل ككل.. توفيق لما دخل المسلسل مكنش مكتوب كل الحلقات، وكانوا مفهمينه إن دوره كبير ومهم”
نرشح لك: مدحت العدل عن اعتزال توفيق عبد الحميد: مش هيحصل
تابع: “بعد كده لقى إن النتائج مش قد اللي داخل عشانه، ولقى إن في تهمييش لكل اللي بيشتغلوا ما عدا البطلة، المشكلة مش في ريهام، المشكلة في التوليفة كلها اللي معتقدين إن عشان يعملوا منها نجمة لازم يعملوا كل ده.. هي محتاجة لحد زي كاملة أبو ذكري يقود المسيرة.. ريهام حجاج موهوبة والموهبة بتطلع لما بيكون في مخرج”.