موقف نيللي كريم من نقد الأعمال الفنية

أكدت الفنانة نيللي كريم أنها تهتم بسماع النقد من النقاد الفنيين الذين يفهمون في الفن جيدًا، وتهتم بآراء الجمهور عموما، لكنها ترفض التجريح، أو النقد بشكل عام دون توضيح للإيجابيات والسلبيات.

أضافت نيللي خلال حوارها في برنامج “اتنين اتنين” مع إيناس سلامة الشواف على راديو إنرجي، أنها تحترم جميع وجهات النظر، قائلة: “بتضايق لما أسمع نقد عن مسلسل أو أي عمل فني ويتقال (ده وحش أوي)، لأن قبل الجملة دي ما تتقال لازم تعرف قد إيه الناس دي تعبت واجتهدت، ممكن ميكونش عجبك ماشي دي وجهة نظرك هحترمها، قول ليه مش عاجبك بس متتكلمش بتعميم”.

نرشح لك: فيفي عبده: جلوسي في المقابر لا يعتبر جنون

تابعت أن الأعمال الجيدة تستمر مهما مرت السنوات، موضحة أنها قدمت العديد من الأعمال الدرامية التي لا يزال يتذكرها الجمهور ويشيد بنجاحها حتى الآن، قائلة: “الأعمال الحلوة أكيد بتعيش.. بدليل مسلسل (ذات) فات عليه 9 سنين تقريبا، ولحد الآن الناس فاكراه وبتتكلم عليه ومن الأعمال اللي بعتز بيها جدا، وكذلك (سجن النسا) و(لأعلى سعر) و(تحت السيطرة) و(بـ 100 وش) طبعا”.

تضيف نيللي كريم أن تقديم أدوار الشر بالنسبة لها أسهل من أدوار الخير، لأن الأخيرة تحتاج لمجهود كبير في الأداء، مضيفة: “الناس الطيبة اللي بتحس وعندها دم هتلاقيها حساسة وشاعرية وبتتأثر جدا ودمعتها قريبة فبتحتاج مجهود، إنما بحس الشر ده معندوش قلب.. والمشكلة إن الناس بتعتبر إن الطيب ده أهبل والحقيقة هو طيب بس مش أهبل خالص”.

وعن موقفها من مواقع التواصل الاجتماعي قالت: “السوشيال ميديا سلاح ذو حدين، ساعات ناس بتستخدمه لمجرد إن عندهم مشاكل نفسية في بالهم وفي نفس الوقت ناس تانية تستخدمه في حاجات إيجابية.. فبتختلف من شخص للتاني”.

على صعيد آخر، تحدثت نيللي كريم عن ثنائية الروح والجسد قائلة: “الجسد لو تعبان والروح رايقة أحسن بكتير من لو الروح تعبانة والجسد كويس لأن وقتها هيبقى الجسد ملوش قيمة، وبيتهيألي الروح الإيجابية الحلوة هي اللي بتحرك كل حاجة.. أنا دلوقت في الفترة دي، محتاجة أرتاح جسديا وروحيا لأطول فترة ممكنة”.

يُذكر أن نيللي كريم تشارك في موسم رمضان 2022 بمسلسل “فاتن أمل حربي”، والذي يشاركها بطولته عدد كبير من نجوم الفن.

مواعيد عرض مسلسل فاتن أمل حربي

قناة cbc: الساعة 7:35 مساء
الإعادة: 12:40 صباحًا – 10:15 صباحًا
قناة دبي: 7 مساءً
الإعادة: 5 صباحًا

قصة مسلسل فاتن أمل حربي

تخوض الفنانة نيللي كريم تجربة جديدة، حيث تدور أحداث العمل حول قضايا الزواج وقضايا الأسرة، وما يدور خلف أروقة المحاكم.

أبطال مسلسل فاتن أمل حربي

المسلسل من بطولة نيللي كريم، وشريف سلامة، وهالة صدقي، وخالد سرحان، ومحمد الشرنوبي، ومحمد ثروت، وجيلان علاء، وفادية عبد الغني، وآخرين، ومن إخراج ماندو العدل، وتأليف إبراهيم عيسى، وإنتاج العدل جروب.