دينا الشربيني: "الثقافة الجنسية أول علاج للتحرش"
قالت الفنانة دينا الشربيني، إن الثقافة الجنسية أول علاج لظاهرة التحرش.
أضافت “الشربيني” خلال حلولها ضيفة على برنامج “حبر سري“، المذاع عبر شاشة “القاهرة والناس”، مع أسما إبراهيم: “في عندنا موضوعات محدش بينفع يتكلم فيها وده بيظلم ناس كتير، والبنت لو فاهمه بطريقة علمية الثقافة الجنسية والصح والخطأ والعيب بالإضافة إلى توعية الشباب الموضوع هيفرق”.
نرشح لك: دينا الشربيني: الترند مش مقياس نجاح
أوضحت أن هناك فتيات تقبلن على الزواج ولا تعرف شيئا عن الثقافة الجنسية، مضيفة: “في بنات بتيجي تتجوز وبتبقى مش عارفه حاجة خالص، ولازم تتعلم عشان تبقى فاهمة”.
تابعت: “من حق البنت تبقى عارفة معلومات عن الثقافة الجنسية ويكون في توعية، والتحرش له أنواع كثيرة ومش مجرد التحرش الجسدي وبيوصل للعين ولازم يكون في عقاب للمتحرش بجانب تعليم الثقافة الجنسية”.
في سياق آخر، قالت الفنانة دينا الشربيني، أنها لا تهتم بتصدر الترند وتؤمن بأن الترند ليس مقياسا النجاح، قائلة: “مش بيفرق معايا الترند وهو بيفرق مع ناس تانية ولكن هو مش مقياس النجاح، والترند هوس، وحد قالي من اللي ماسكين ليا السوشيال ميديا أن فى ناس بتدفع فلوس عشان تتشتم وتطلع ترند”.
عبرت “الشربيني” عن استغرابها بفكرة البحث عن الترند بهذه الطرق الغريبة، مضيفة: “حاجة غريبة انك تدفع فلوس عشان تشتري كذبة وتطلع ترند”، مؤكدة أنها لم تلجأ خلال مشوارها إلى الواسطة.
وأشارت إلى أنها لا تدعم الزواج القائم على فكرة المال فقط دون حب، قائلة: “الست اللي تتجوز من غير حب عشان الفلوس ست مش ذكية، لان الفلوس ساعات بتبوظ وده مش معناه ان الفلوس مش مهمة ولكن الحب أحلى حاجة”.