عمرو أديب عن الأزمة الاقتصادية: في حد لعب في طريقة لف الكرة الأرضية
محمد هيثم
علق الإعلامي عمرو أديب، على الأزمة الاقتصادية العالمية حاليا، وارتفاع الأسعار، وقال إن جميع المواطنين علموا جيدا أن هناك أزمة في العالم، موضحًا أن هذه الأزمة تنقسم إلى موجتين، الموجة الأولى وهو فيروس كورونا، والموجة الثانية هي الحرب بين روسيا وأوكرانيا.
تابع “أديب” خلال تقديمه لحلقة اليوم من برنامج “الحكاية” المذاع على فضائية “mbc مصر”، أن ما يهم المواطن هو كيفية إدارة هذه الأزمة في الدولة، موضحًا أن الدولة اتخذت حزمة من القرارات الاجتماعية، لافتا: “هتقولي الناس النهاردة مضايقة وفي حالة تشاؤم، لا البورصة النهاردة طلعت، وأنا اللي يهمني كمواطن أني أشوف إدارة الأزمة إزاي”.
نرشح لك: عمرو أديب: المحظوظ في روسيا دلوقتي معاه كيس سكر
أضاف: “في كارثة، لا أنا اللي مسؤول عنها ولا حد مسؤول عنها، في حد ما لعب في الدنيا، بوظ الحياة، بوظ طريقة لف الكرة الأرضية، الحكاية دي هتفضل قاعدة قليل كتير؟ محدش عارف، وأنا رأيي كل ما هتزيد كل ما مشاكل البشر تزيد، مش في مصر بس في كل حتة في العالم، أنا مبقارنش، بس الأغنى مننا واللي عندهم احتياطات وعندهم موارد عندهم مشاكل يبقى أنت عندك ضغط”.
أوضح: “مقدرش أقولك خلاص يا جماعة كل حاجة حلوة، عارف أن أنت وأنا وناس كتير قلقانين والحكومة قلقانة، وأنا مقدرش أقولك إن اللي حصل النهاردة ده حاجة حلوة أوي، مقدرش أقولك كده، لأن دي مش الحقيقة”.