علاء مرسي: مش زعلان من أحمد السقا لكن كان واحشني
محمد هيثم
قال الفنان علاء مرسي، إنه لم يغضب من الفنان أحمد السقا كما ردد البعض، ولكنه اشتاق إليه فقط، لافتا إلى أنه تربى وسط أصدقائه أكثر مما تربى في بيته.
تابع “مرسي” خلال لقائه في برنامج “التاسعة” المذاع على القناة الأولى المصرية” وتقدمه الإعلامية شافكي المنيري، أن أحمد السقا شخص مهم جدا في حياته، مثل باقي أصحابه، موضحًا: “كنت في لقاء وحد سألني عن السقا فسكت، كلمني وقالي يعني إيه تتسائل عن السقا وتعمل صمت، وجالي تحت البيت، وخدني في حضنه حضن عجيب جدا، قالي أنا عملت حاجة؟ قولت له لا، قالي أمال عملت ليه كده، قولتله وحشتني وناديت لك معرفش هي جت”.
نرشح لك: رمضان 2022.. علاء مرسي يكشف ملامح دوره في “ملف سري”
في سياق آخر، قال علاء مرسي: “فكرة المانشيت بتعمل مشكلة، يعني أنا قولت خايف أموت مديون، لقيت ناس بتتصل بيا بتقولي عايز فلوس ولا إيه مالك، فكرة الدين أنك تكذب على حد، تقعد معاه وتطلع تتكلم عليه دا دين ربنا هيحاسبنا عليه، الصيام اللي راح مني دين”.
أردف: “نفسي الواحد يمشي من الدنيا دي كويس، لأن أنا اكتشفت أن كل الناس اللي بحبها أوي مشيت، وأنا مؤمن أن ده قدر وأتربيت تربية دينية، وعندي منطقة صوفية عالية جدا بحبها وأتربيت فيها لكن أنا مشكلتي أني مصدقتش أن حبايبي مشيوا، فبقى عني اشتياق، وده سببلي اكتائب لفترة”.
