ميرهان حسين لـ الملحدين: فايتكوا أعظم حاجة في الوجود
نشرت الفنانة ميرهان حسين، صورة لها وهي في الحرم المكي.
عبرت “حسين” على الصورة التي نشرتها على موقع تبادل الصور والفيديوهات، “إنستجرام”، عن حبها للصورة وأنها قريبة لقلبها، حيث كتبت: “مع إن الصورة دي من أحب صوري لقلبي، اترددت أنزلها، أولًا خفت إن دا يأثر على ثواب حاجة بيني وبين رب العالمين، ثانيًا عارفة إن في ناس سطحية كتير، هيكتبوا كومنتات كلها: إيه يا طاهرة، إيه يا ست الشيخة، ويعملوا فيها إنهم، مبيغلطوش أبدا، وجايين يحكموا على ناس زيهم أحكام هبلة، وخلاص، وهما ميعرفوش إللي بينك، وبين ربنا، ولا عمرهم هيعرفوه”.
نرشح لك: القائمة الكاملة لـ بروموهات مسلسلات رمضان 2022
تابعت: “بس قولت لأ مش هامشي ورا الفكر دا، وهنزل صورتي إللي بحبها عشان فيها ذكرى وجودي في أطهر بقاع الأرض، وأنا ضيفة في بيت الله الحرام، وبحتفل فيها بنعمة من أكبر النعم هي نعمة إن ليا رب عظيم اسمه الكريم إللي ممكن أطلب منه أي شيء، ومفيش حاجة كبيرة عليه إنما أمره إذا أراد شيئا أن يقول له كن فيكون”.
أردفت: “نعمة وجود ربنا فحياتنا أكبر من كل النعم أنا حقيقي معرفش إزاي في ناس بتلحد، وتنكر وجود ربنا، العياذ بالله وفي منهم أصحاب ليا، وناس بقابلهم، ومع حبي ليهم بس بقولهم فايتكوا أعظم حاجة في الوجود؛ إن يبقا ليك رب قادر على تحقيق كل اللي يتمناه قلبك، ويسرح فيه خيالك، رب أكبر من كل كبير، هو الأمان في الدنيا دي، وكل من عليها فان”.
View this post on Instagram