أحمد الفيشاوي: "المصريين مش عرب.. إحنا أفارقة وفراعنة"
كشف الفنان أحمد الفيشاوي عن رأيه حول هوية المصريين، مؤكدًا أن المصريين ليسوا عربًا، وإنما أفارقة وفراعنة يتحدثون اللغة العربية.
وقال الفيشاوي، خلال استضافته في برنامج "منا وفينا": "إحنا بنفكر إن إحنا عرب، بس إحنا كمصريين مش عرب، إحنا بنتكلم اللغة العربية المصرية بس إحنا أصلا أفارقة وفراعنة ومش في المنطقة العربية، إحنا في قلب أفريقيا".
وأضاف: "أنا مش بتنكر لعربيتي، دي لغتي، أنا بقول أنا بتكلم باللغة العربية العامية، لكن أنا أفريقي فرعوني، أنا بلدي في قلب أفريقيا وبتكلم العربية العامية بس أنا مش عربي".
وتابع الفنان حديثه عن أصوله قائلًا: "أنا والدي من المنوفية ووالدتي من الشرقية، يعني مصري صريح، والمصريين عمرهم ما كانوا عرب، من أيام الفراعنة لحد النهاردة، هي بس الوحدة العربية والكدبة الكبيرة دي بس إحنا مش عرب، لكن العرب دول اخواتنا وحبايبنا وجيرانا".
واختتم الفيشاوي تصريحاته بقوله: "مصر مش في خريطة الوطن العربي، هي في خريطة الوطن الإفريقي، أنا أفريقي بتكلم عربي، لكن لست عربي الهوية، أنا أفريقي الهوية".