بسبب المرض النفسي.. وفاء سالم تعتذر لنجلها

محمد هيثم

قالت الفنانة وفاء سالم، إن المرض النفسي لا يأتي فجأة، مشيرة إلى أن ما حدث معها بصفة شخصية كان له بدايات وتراكمات فمن الصعب تشخيصه لأنه مرتبط بأمراض أخرى.

أضافت “سالم” خلال لقائها ببرنامج “كلام الناس” مساء اليوم المذاع على فضائية “MBC مصر” وتقدمه الإعلامية ياسمين عز، أن من يلاحظ المرض هم الأشخاص الذين يكونوا بجانب المريض، لافتة إلى أنه من الممكن أن يكون هناك شخص مهتم بالمريض ولكن لا يفهم مرضه، مشيرة إلى أن أعراض التعب النفسي تأتي على شكل سلوك، فسلوك الشخص يتغير للأسوأ.

نرشح لك: وفاء سالم عن غيابها: “مش عليا طلب”

 

تابعت أنها ظلت في المستشفى لمدة شهرين، موضحة أنها تعتذر لابنها لأنها لم تكن الأم الطبيعة مثل باقي الأمهات، مشيرة إلى أن ابنها كان يقول لها إنهم يجب أن يذهبوا إلى الطبيب، لكن المريض النفسي يكون في حالة إنكار، ولا يريد التحدث أو الاعتراف بالمرض.

أوضحت: “بعتذر لابني على الهواء إذا مكنتش أم زي ما أنا نفسي أبقى، أو زي ما الفروض تبقى، وكتير كان بيقولي ماما لازم نشوف دكتور.. التعبان نفسيا بيكون في حالة إنكار، مبيبقاش عايز يتكلم أو يعترف، وساعات كان بيجلي أدوار وبعملها.. مبيبقاش عارف لحد ما الأعراض توصل لمرحلة، مينفعش يتساب”.

أشارت: “في الفترة الأولى كان بيجلي نوبات هلع واضطراب، وحالة هيجان نفسي، ومببقاش طبيعية أبدا، ومنعزلة عشان محدش يتأذي من تصرفاتي، بتدرج وبتعلي لحد ما توصل مرحلة برا السيطرة، أدهم ربنا رزقني بره”.

واصلت: “في اللحظات الحاسمة لقيته بالأمر يا ماما يلا، لازم في اللحظة دي ماما تمتثل للأمر اللي خدته، إزاي هو بيعرف يلعب الدور ده واداني الأمر اللي مفيهوش رفض.. ووداني مصحة نفسية فيها كل التخصصات”.

أردفت: “هو مخرج وصنع نفسه بنفسه ومعتمدش عليا في أي حاجة، وفي وقت زنقة شغل بالنسبة له عطل نفسه، بقى معايا وجمبي وماما بقت من أولوياته، لغايت لما تعافيت وإحنا خارجين قالي أنا فرحان جدا، وانتي ست قوية وأنا كنت حاسة بالضعف”.

وفاء سالم

طه دسوقي يتحدث مع “إعلام دوت كوم” عن أعماله والستاند أب كوميدي