رد حسن شاكوش على منتقدي الغناء بفلاشة

رد مطرب المهرجانات حسن شاكوش، على منتقدي غنائه بفلاشة خلال الحفلات الغنائية.

قال “شاكوش” خلال لقائه في برنامج “كلام الناس” الذي تقدمه الإعلامية ياسمين عز، عبر شاشة MBC مصر،: “مبنغنيش على فلاشة بس، لكن الفلاشة دي اللي عاملة عقدة عشان مقعدة ناس كتيرة في بيوتها، كل واحد مش عارف يشتغل الشغل اللي بنشتغله ولا بيعمل النجاحات اللي بنعملها يطلع يقول فلاشة.. انت متعرفش أصلا تغني بفلاشة، لأن شغلة الفلاشة فن وهندسة، احنا عملنا نجاحات بعد احترامي لأي حد، محدش عملها، احنا تعبنا وشقينا ونمنا على الرصيف وانا كنت راجل لاعيب كورة”.

نرشح لك: شاهد.. حمو بيكا باكيا: محدش حاسس باللي أنا فيه

 

في نفس السياق، أضاف: “فيه نجوم كبار أوي بيشتغلوا في ديسكوهات بفلاشة، ومنعوا الفرق، لأن أجرهم في أماكن متقدرش تدفعها”.

حسن شاكوش

يشار إلى أن حسن شاكوش، كان قد صرح في وقت سابق أنه لن يُغير اسمه للعودة إلى نقابة المهن الموسيقية، لأنها كان عضوا سابقا بها.

أشار “شاكوش” خلال مداخلة مع برنامج “الحكاية”، المذاع عبر شاشة “mbc مصر”، مع عمرو أديب، إلى أن اسمه لدى النقابة هو حسن منصور، و”شاكوش” اسم شهرة يُنادى به في الشارع وليس داخل النقابة.

لفت إلى أنه سيحترم قرارات النقابة لأنهم لهم رؤية أخرى، مضيفا: “اللي عايز يناديني بشاكوش برا هو حر.. أنا الحمد لله واصل لمرحلة أحط صورتي مش اسمي لأن الناس بقت عارفة مين خلاص.. كان ممكن أتكلم في الاسم لو أنا مش معروف لكن خلاص أنا اتعرفت”. مشيرا إلى أن قناته على اليوتيوب ليس لها علاقة بنقابة المهن الموسيقية.

في سياق متصل، قال محمد أبو اليزيد، وكيل أول نقابة الموسيقيين، إن “شاكوش” مضى بالفعل إقرارا سابقا على تغيير اسمه. موضحا أن الأمر سيُعرض على لجنة القيد لتحدد هل الاسم يجوز قبوله أم لا.

إعلام دوت كوم من العرض الخاص لفيلم تماسيح النيل

MBC مصر حسن شاكوش رئيسية كلام الناس ياسمين عز