بعد تصريحاتها ضده.. حمو بيكا لـ شمس: "إنتي على دماغي من فوق"
محمد هيثم
رد مطرب المهرجانات حمو بيكا، على تصريحات الفنانة شمس في برنامج “نص الكلام” مع الإعلامية راغدة شلهوب، عبر قناة “النهار”، والتي قالت له فيها: “عيب يقول معرفش شمس وانا بقالي 25 سنة بمثل.. أنت اصلا مش موهوب، لا شكل ولا منظر وكمان قلة أدب”.
نشر “بيكا” عبر حسابه الرسمي على موقع التواصل الاجتماعي” فيس بوك”: “رداً علي تصريح الفنانة شمس بالإساءة لي في برنامج ما، أنا عمري في حياتي يا أستاذة شمس ما قولت أنا مش عارفك، بالعكس انا عارفك وبحبك جداً”.
نرشح لك: رد أشرف عبدالباقي على مشاركة حمو بيكا في “شمسية وأربع كراسي”
أضاف: “لو وصل لحضرتك أي كلمة منسوبة عني فأنا من على صفحتي الرسميه بقول لحضرتك أني عمري ما قولت كدة .. وأنا بحبك جداً وعارفك وبحترمك جداً .. وشكراً جداً على كلامك عني ..وانتي على دماغي من فوق وليكي كل الاحترام والتقدير لحضرتك”.
كانت الفنانة شمس قد هاجمت مطرب المهرجانات حمو بيكا، وذلك خلال لقائها في برنامج “نص الكلام” مع الإعلامية راغدة شلهوب، عبر قناة “النهار“.
قالت “شمس”: “بيكا بيقول معرفش شمس، شمس اللي بقالها 25 سنة بتمثل، الفن ليه أصول، وممكن مبقاش موهبة بس عندي أخلاق الفن، أنت اصلا مش موهوب، ولا شكل منظر وكمان قلة أدب.. عيب.. ومين ده عشان نتكلم عليه”.