شاشة

سمية الخشاب: ويجز حالة وبيعجبني دماغه

قالت الفنانة سمية الخشاب إنه تحب أغاني الراب، موضحة أنها تفهم بعض الكلمات والبعض الآخر تقوم بترجمته.

أشارت “الخشاب” خلال برنامج “حبر سري” المذاع على شاشة القاهرة والناس وتقدمه الإعلامية أسما إبراهيم، أمس الخميس، إلى: “بيعجبني مروان بابلو، ويجز، ويجز حالة، بيعرف يختار ألحانه ونوعيات الكلام اللي يقولها مع إنه في أغانيه ممكن يتكلم في أكتر من موضوع، يعني بيرمي بالكلام في مناطق مختلفة”.

نرشح لك: شاهد.. كليب “سلطان المحبة” لـ أصالة

أوضحت: “ممكن تقولي هو إيه اللي بيقوله ده، بس لو ركزتي في الكلام، هو بيقول كلام خطير، بيفكر في حاجات مش تقليدية، بيقول كلام فيه طاقة وقوة وبيستخدم الموسيقى الأفريقية اللي تردداتها عالية فلما تسمعيها تحسي إن عندك حماس، عايزة ترقصي وتتحركي مع كلام بيرمي بيه معاني فيها اشتغل، اتحرك، اعمل اللي أنت عايزه طالما مقتنع بيه إنه صح، كلام حلو، بيعجبني دماغه”.

كما أوضحت رأيها في الفرق بين أغاني الراب والمهرجانات، قائلة: “مغني الراب بيتكلم عن حياته، أفكاره، أحلامه، تجربته، دايما بيتكلم بيقول أنا، دايما كلمة الـ أنا في معظم أغاني الراب، لأنه بيتكلم عن حياته ونفسه وأحلامه وطموحاته وأهدافه هو، عن طريقه اللي عايز يحققه، ده الراب”.

تابعت: “المهرجان معتمد أكتر على الموسيقى الصاخبة الراقصة وممكن يبقى فيه موضوع وممكن ميكونش فيه موضوع خالص، مالوش علاقة بأي حاجة، بيقول أي كلام وخلاص”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock