عمر حسن يوسف يكشف تفاصيل عمل وثائقي يتناول قصة حياة والديه

كشف الفنان عمر نجل الفنان حسن يوسف والفنانة شمس البارودي عن تفاصيل العمل الوثائقي الذي يجمع والديها ومن إعداده هو، موضحا طبيعة العمل وحقيقة عودة والدته شمس البارودي للفن بعد اعتزالها منذ حوالي 38 عاما.

قال “عمر” خلال لقائه مع ET بالعربي، إن الفكرة عن قصة حياة حسن يوسف وشمس البارودي، لافتا إلى أنها ستكون في إطار تسجيلي.

نرشح لك: صابر الرباعي: النجومية أخذتني من أولادي

تابع أنه لم يتم تحديد هل ستأخذ الفكرة شكل فيلم أو مسلسل أو برنامج، وسيتم الاستقرار على المسمى عند الترويج لعرضها على القنوات أو إحدى المنصات، مضيفا أن الفكرة لديه باعتباره ابنهم وعاصر والده كفنان ولكنه لم يعاصر والدته كفنانة.

أيضا، أكد أنه يعرف قصصهم وتاريخهم، ويرى أنه من الجيد تقديم الفكرة، وعن الانتقادات التي يتعرض لها، قال: “كلها حاجات تافهة بالنسبة لي ولا تعني لي شىء بس هي فكرة إن لو بيتفرجوا برة على الوثائقيات بتاعة الفنانين، هو مش بيقدم المشاهد اللي عملها من الفيلم ويجيب نفسه وهو بيمثل، هو أكيد الفنانين اللي الناس بتحب تقدملهم حاجة وثائقية، بيبقى ليهم دور، مش لازم يبقى ليهم دور في العالم، بيبقى حصل حاجات مشوقة”.

استكمل: “لو الناس شايفة إن حسن يوسف وشمس البارودي ربنا يديهم الصحة وواحد زي حسن بيمثل من سنة حاجة وخمسين، وكل الأحداث اللي حصلت من حجاب شمس البارودي وغيرها، لو هما شايفين مفيش أحداث مشوقة غير إن هما فاكرين هنقدم هلس ما يتفرجش”.

بالإضافة إلى ذلك، أوضح أن أي فيلم وثائقي سواء عن فنان أو شخص رياضي لا يظهر كيف يلعب مثلا اللاعب بالكرة، بل سيظهر رحلة صعوده، متابعا: “أنا عامل الوثائقي ده لأنه في حاجات الناس مش عارفاها وأنا فيه حاجات عندي في الدرج محدش يعرفها غيري أنا وإخواتي ووالدي ووالدتي، فدي حاجات أنا بوجهها للناس قبل ما تنتقد، ده مشروع أنا بفكر فيه من 6 سنين واخد فيه وقتي خالص ومتكلم فيه مع ناس كتير”.

أشار إلى أنه عندما يتحدث مع البعض من مديرين التصوير يرغبون في تنفيذه، قائلا: “الموضوع سهل بس أنا مش منتج ومش كاتب، أنا ابنهم، والوثائقيات من أكتر الحاجات اللي بحبهم بس أنا محتاج حد يكتب كويس ويقعد مع والدي ووالدتي ياخد منهم الكلام لأنهم هيطلعوا يتكلموا، ومحتاج منتج، وأنا مستني الوقت الصح بس”.