رنا رئيس تكشف تفاصيل شخصيتها في مسلسل "موضوع عائلي"
محمد هيثم
كشفت الفنانة رنا رئيس، عن تفاصيل دورها في مسلسل “موضوع عائلي”، الذي يعرض حاليا على منصة شاهد، وتجسد خلاله شخصية “سارة”.
تابعت “رئيس” خلال لقائها على “شاهد“: “سارة في موضوع عائلي قريبة من قلبي، واللوكيشن نفسه بتاع المسلسل عائلي، وفيه روح البيت والحب اللي دائما موجدة وتخليك تحب أنك تشتغل”.
نرشح لك: رنا رئيس: رفض والدتي منعني من التمثيل في سن صغير
أضافت: “أستاذ أحمد الجندي بيحقق الروح دي في اللوكيشن، وأستاذ ماجد الكدواني عمري ما هاوفيه حقه، والكرو كله عامل روح عائلة فهو موضوع عائلي جوة اللوكيشن والمسلسل”.
واصلت: “سارة عندها مغامرات حقيقية جوة البيوت المصرية وبنشوف فيها الدفء بتاع العيلة، سارة لما بتخش بيت عائلة وهي متعرفهمش، وهي داخلة بيت محامي، بس بتلاقي العائلة اللي هي بتحلم بيها، لأنها مكنش عندها عائلة، مكنش عندها غير جدها وجدها توفى”.
تابعت: “لما جدها توفى سارة بقت وحيدة وفجأة بقى عندها مسؤليات كبيرة وبقى عندها افتقاد للعيلة، فلما دخلت البيت حست إن دي ممكن تبقي مامتها وده عادي تتعامل معاه زي باباها، فكان عندها نقص في الحنان الأسرى”.
أردفت: “سارة عفوية جدا واللي في قلبها على لسانها، مبتفكرش قبل ما تعمل الحاجة، وبتحب الناس والحياة، فهي كانت بتتعامل معاهم من قلبها، ودائما عندها فراغ في الشخصية، والفراغ بقى يتملي من خلال البيت ده”.
المسلسل هو البطولة الأولى المطلقة للفنان ماجد الكدواني، ويتكون من 10 حلقات فقط، حيث يدور في إطار كوميدي اجتماعي تشويقي، من تأليف محمد عز، وكريم يوسف، وأحمد الجندي وسامح جمال، وإخراج أحمد الجندي، ويشارك في البطولة أمينة خليل، ورنا رئيس، ومحمد شاهين.