بسبب الشتائم.. عمرو وهبة يلجأ لمباحث الإنترنت
يارا سامي
قرر الفنان عمرو وهبة، اللجوء لمباحث الإنترنت ضد متابع تعدى عليه لفظيا عبر تعليقات موقع التواصل الاجتماعي “فيس بوك”.
كتب”وهبة” عبر حسابه بموقع التواصل الاجتماعي “فيس بوك“: “قولت قبل كده كتير إني بطنش الكومنتات السلبية والشتيمة عشان ده جزء من شغلي، ومع إني مش شايف لها مبرر، خصوصا إني بوستاتي هزار، لا سياسة، ولا كورة، ولا دين”.
نرشح لك: هبة رشوان: والدي كتب كل ممتلكاته بأسمائنا
تابع: “بس دايما كنت بقول معلش، جايز اللي بيشتم ده ظروفه وحشة، يومه وحش، حياته وحشة، بيكرهني لدرجة إنه مش قادر يمسك نفسه.. بس قولت برضو في نفس البوست، إني في مرة هخلي واحد عبرة، وهكمل للآخر وهزعله ولقيت الواحد ده”.
أضاف: “وبما إنك بتشوف بوستاتي، وبتشتمني فيها كلها فأنا بقولك أهو، ماتمسحش الكومنت، عشان كله معايا، وماتعملش بلوك، وماتخليش حد من أهلك يكلمني يعيط، ومكان شغلك أهو”.
في سياق آخر، كان عمرو وهبة شارك في افتتاح طريق الكباش، ونشر بعض الصور.
علق: “فخور إني شاركت بجزء في احتفاليه ضخمة ومشرفة زي احتفالية إعادة افتتاح طريق الكباش في الأقصر.. شكراً لكل أهالي الأقصر ولكل الآثريين والمرممين وكل جهة وشخص اشتغلوا على تنظيم الحدث وخروجه بالشكل المبهر ده، وشكر خاص للمخرج الأستاذ تامر محسن أنه خلاني جزء من الحدث العالمي ده”.