قريبًا.. حوار خاص مع محمد صلاح في "الحكاية"
أعلن الإعلامي عمرو أديب، عن تسجيله لقاء مع محمد صلاح لاعب المنتخب المصري ونادي ليفربول الإنجليزي، يعرض قريبا في حلقة خاصة من برنامج “الحكاية” على شاشة “MBC مصر”.
قال “أديب” خلال حلقة الجمعة من برنامج “الحكاية” على شاشة MBC مصر: ” أنا وصلت لندن امبارح، قبل كده من يومين كنت في ليفربول، أنا كنت في ليفربول من 3 سنين ونص، يعني كانت آخر زيارة ليا لمدينة ليفربول من 3 سنين ونص، رايح أقابل فخر العرب وأحسن لاعيب في الدوري الإنجليزي”.
نرشح لك: بسبب المتحور الجديد.. قرارات جديدة للجنة إدارة أزمة كورونا
أضاف: “بعد 3 سنين ونص، أنا كنت موجود في ليفربول من يومين علشان أقابل أحسن لاعب في العالم، قفزة كبيرة، هداف الدوري الإنجليزي وألقاب كثيرة، مرشح لأحسن لاعب في العالم، مرشح للكرة الذهبية”.
تابع: “فرق كبير، النهاردة أنت جاي تقابل شخصية تانية خالص، سيبكم من محمد صلاح لاعب الكرة، أنا شوفت شخصية مبهرة، الراجل ده بيشتغل على نفسه وعقله وشخصيته وهدوء أعصابه جامد، تطور مذهل أنا شوفته من 3 سنين ونص، بالفعل حاجة تشرف”.
أوضح: “شهور ونحن نعد لهذا اللقاء، المسألة مش سهلة، لكن محمد صلاح يستحق كل هذا المجهود، محمد صلاح شخصية عالمية، على مدى الشهور الماضية بنشتغل وبنجهز إن إحنا نوصل للمرحلة دي، وبصراحة إحنا جينا لصلاح في أيامه الذهبية، وهو متربع على أحسن مستوى في العالم، أنا شايفه أحسن لاعيب في العالم وقولتله الكلام ده”.
واصل: “عملت معاه لقاء وكان كريم وبشكر مدير أعماله رامي عباس، رامي ده ليه دور هايل في الشغل وفي حياة محمد صلاح، اتكلمنا وقت طويل في الكرة وهو رايح فين ومصر والمنتخب والخناقات، أي حاجة بتفكروا فيها موجودة في اللقاء ده، والأيام القادمة هقول لحضراتكم هتشوفوه أمتى”.