عمر كمال: أنا وشاكوش وبيكا كنا بندخل 120 ألف جنيه يوميا للنقابة
قال الفنان عمر كمال، إن “مطربي المهرجانات هم أكثر ناس دخلوا لنقابة المهن الموسيقية فلوس الصيف اللي فات”.
أضاف “كمال”، خلال مداخلة مع الدكتور معتز عبد الفتاح، مقدم برنامج “تحت الشمس” عبر قناة “الشمس”: “عمر كمال وحسن شاكوش وحمو بيكا أكتر شباب دخلت موارد للنقابة، احنا بندفع 10 آلاف جنيه في الاوردر في الساحل”.
نرشح لك: في معركة النقابة والمهرجانات.. خاف يا هاني!
تابع: “أنا كنت بشتغل 3 اوردرات في اليوم الواحد، يعني بدخل للنقابة 30 ألف جنيه في اليوم الواحد، يعني أنا وحسن وبيكا بندخل للنقابة في اليوم الواحد 100 – 120 ألف جنيه.. احتوا الشباب دي يا جماعة”.
استكمل: “واه طبعا في بعض الفنانين الكبار (منفسنين) مننا، لما ألاقي واحد اسمه عمر كمال وحسن شاكوش جايبين 700 مليون مشاهدة في أغنية (بنت الجيران)، و500 مليون في (عود البطل)، إحنا أقل أغنية عندنا جايبة 60 مليون مشاهدة”.
اختتم: “إحنا بنروح دول أوروبية والأجانب بيسمعونا، وبنتقابل أحسن مقابلة بره والناس فاهمة إن دي مزيكا جديدة”.