بيج رامي: الجمهور لا يرى إلا لحظة النجاح
كشف ممدوح السبيعي، الشهير بـ “بيج رامي”، كواليس فوزه الأخير بلقب مستر أولمبيا، موضحا أن الناس لا يرون إلا لحظة النجاح، ولكن طوال العام الماضي مر بالعديد من الأزمات.
أضاف “بيج رامي”، خلال حواره في حلقة الإثنين، من برنامج “صاحبة السعادة“، الذي تقدمه الفنانة إسعاد يونس، على قناة dmc، أنه رغم هذه الأزمات، كان هناك العديد من الجنود المجهولين، الذين لهم دور كبير فيما وصل إليه، قائلا: “حتى في اللحظات الصعبة عندما تعبر للنجاح مفيش حاجة تقدر توقفك.. السنة دي كان فيها اختبارات صعبة جدا مينفعش كلها تتقال.. بس كان جنبي ناس وقفت معايا جدا ودي من عوامل النجاح”.
نرشح لك: شاهد: نصيحة بيج رامي للشباب بعد فوزه بـ”مستر أولمبيا”
تابع: “وأنا رايح السنة دي لقيت الناس في أمريكا بيستغربوا من استقبال الشعب المصري ليا، رغم أنها لعبة فردية، ميخطرش على بالهم أن ده بيحصل، في مصر بيعرفوا يدعموا أبطالهم، لأن الشعب تركيبته غير، ما ياما ناس بتعمل إنجازات برا بس معندهمش حفاوة الاستقبال اللي بتحصل في مصر”.
اختتم حديثه قائلا: “مفيش حاجة تتعمل علشان أبقى البطل ومعملتهاش، والحمد لله ربنا كلل تعبي بالمركز الأول”.