أسما شريف منير: اكتشفت في نفسي عيب خطير

شاركت خبيرة التجميل أسما شريف منير، الجمهور بمنشور تحدثت من خلاله عن عيب خطير على حد وصفها، اكتشفته مؤخرا في شخصيتها.

وأوضحت “منير” في المنشور الذي طرحته عبر حسابها الشخصي على موقع “إنستجرام” أن العيب هو عدم الاستماع للآخرين وقت الغضب.

نرشح لك: نانسي صلاح: تعرضت للتنمر بسبب شعري

وكتبت الآتي: “النهاردة اكتشفت في نفسي عيب خطير وعايزة أحكيلكم عنه وإزاي اكتشفته وده الأهم!، عشان ممكن يفرق مع شخص زي ما فرق معايا، هم طيب احنا طبعاً عارفين البداية دي، كلنا فينا عيوب والكمال لله وحدة، بس ده ميمنعش اننا نحاول نتطور ونواجه نفسنا بعيوبنا عشان نكون في أفضل نسخة لينا وأكيد عشان نقلل الأخطاء والأضرار اللي بتسببها عيوبنا علينا وعلى اللي حوالينا، انا حكاية عيبي ده أهم من إني عرفته، عرفته إزاى؟”.

تابع: “وهنا أنا بوجه شكر لشخص غالي علي قلبي جداً، اللي واجهني بعيبي، هو عارف نفسه انا حقيقي بحترمك وبشكرك على طريقتك الراقية اللي علمتني بيها انهارده أكتر عن نفسي”.

أضافت: “عيبي إني (مبسمعش) أنا عامل زي المترليوس وأنا زعلانة، والفكرة إني كنت فاكرة نفسي مستمعة جيدة جداً كمان، بس الحقيقية إني فعلاً وأنا زعلانة مش بسمع غير نفسي وصوت دماغي ووجهة نظري واللي مزعلني “بس” ومش بيكون هاممني غير إني أدلق اللي جوايا عشان أرتاح بدون أي تفكير في الطرف الآخر، وده حقيقي شيء مزعج وفي منتهى الأنانية، والحقيقة إن الطريقة اللي فوقتني هي النقد الإيجابي البناء اللي هدفة الأساسي الإصلاح”.

أردفت: “وعشان كده تقبلته بكل أريحية وكمان تحمست على مواجهته وإصلاحه.. الشخص اللي مش بيسمع غير نفسه ده أسهل واحد ممكن يتسوح ويخسر ويزعل ناس كتير منه، والأهم أننا لو فعلاً بنحب حد وعايزاه يكون أحسن مش اننا بس نغلطه ونكسب المناقشة، لازم نلاقي طريقة هادية محترمة عشان فعلا ننور عنده اللمبة اللي ممكن تغير شخص للأحسن.. النقد البنَّاء مش مقصود به المديح، ولكن هو الأسلوب السلمي اللي الناقد قاصد بيه تحسين تلافي الأخطاء، والحكاية إن يكون الانتقاد ده مش لتسليط الأضواء على الجوانب السلبية؛ لكن إدركها ومهم أن يكون النقد والمعرفة في تلازم مش أي عك، انا من حظي إن الشخص اللي أنتقدني عنده قدرة عالية على انتقاء المصطلحات الأدبية اللي خلتني اتقبل النقد برحابة صدر، وعنده وعي كافي للمناقشة، وإزاي قدر على انه يوصلني على تطوير نفسي من غير ما يدمِّرها،؛ مش زي ناس كتير بتكون هدفها إسقاط غيرها”.

خبيرة التجميل أسما شريف منير رئيسية موقع إنستجرام