حنان شوقي تهاجم محمد رمضان: "مش هشتغل معاه ولو بملايين"
رفضت الفنانة حنان شوقي، المقارنة بين الفنان كريم عبد العزيز والفنان محمد رمضان، مؤكدة أن أي مقارنة في صالح “عبد العزيز”.
قالت “شوقي” خلال برنامج “نص الكلام“، مساء الأحد، المذاع عبر شاشة “النهار” مع راغدة شلهوب، إن كريم عبد العزيز جعلها تشعر في رمضان الماضي، إن نور الشريف وأحمد زكي لم يرحلا عن الحياة.
نرشح لك: حسن يوسف عن ظهور زوجته في فيلم وثائقي: “مفيش تمثيل ابني هيسألها عن المطبخ!”
تابعت: “حسيت أنه بيشيل الوسط الفني على إيده وبيتحط مكانهم، حسيت إن الوسط الفني تقيل بكريم عبد العزيز”.
وعن محمد رمضان، قالت: “مبتفرجش على محمد رمضان ولا بحب أتابع.. مبعرفش أتفرج على حد مش صادق، واللي مضايقني أنه مش صادق مع أن عنده كاريزما.. طول الوقت بيمثل أحمد زكي.. مبحبش البني آدم اللي بيجور على بني آدم عشان ياخد بونط عشان السوشيال ميديا ويضيع حياة بني آدم.. ويضيع كيان واحد طول الوقت عايش فيه وابنه، مسابش لابنه حتى ذكرى”.
أردفت: “دا ميبقاش فنان لأن الفن أرقى شيء في الوجود.. مش هشتغل معاه والله لو أداني ملايين الملايين مش عايزة أشتغل معاه.. وهو اللي عمل كده في نفسه وصعبان عليا.. جمهور إيه ينزل يشوف الناس بتقول عليه إيه ويقعد بس مع ابن الطيار، معتذرتلوش ليه.. أنا بحب محمد رمضان البني آدم لكن بكره أفعال محمد رمضان”.
