الرئة اتأثرت.. نقل ريهام سعيد للمستشفى بعد إصابتها بكورونا
أعلنت الإعلامية ريهام سعيد، عن نقلها للمستشفى بسبب تأثر الرئة عقب إصابتها بكورونا.كورونا
نشرت “سعيد” عبر حسابها الشخصي على موقع “إنستجرام” صورة كشفت من خلالها عن تواجدها في المستشفى، وعلقت عليها كاتبة: “بقالي أسبوعين بعاني من كورونا والحمد لله الرئة اتاثرت واتحجزت في المستشفى من شوية.. إحساس غريب وانت عندك حاجة مميتة، بتراجع نفسك كتير وتحاسب نفسك كتير أكيد غلطت لكن عمري ما قصدت، كان دائما الغرض نفع الغير وإظهار الحقيقة”.
نرشح لك: أسعار تذاكر حفل تامر حسني بمسرح المنارة
تابعت: ” شكرا يا رب علي حبك ليا وشكرا على ابتلاءاتك الكتير اللي بتدل على اهتمامك بيه.. إذا كانت دي النهاية يا رب احسن خاتمتي واحسب لي كل عمل عملته لوجهك الكريم يا رب انت الوحيد اللي عارف انا عملت ايه وكانت نيتي دائما ايه”.
أضافت: “استحملت وصبرت على افترا وظلم كتير.. يا رب اغفر لي وسامحني وخلي بالك من أولادي.. إذا كان ده اختبار من اختباراتك ولسه في العمر بقية يا رب اشفيني واقف جنبي وسهل عليه محنتي انا راضية بأي شيء.. نصيحة لكل واحد بيهاجم مشهور أو ناجح انت بتاخد ذنب رهيب انتوا بتاخذوا من أعصابنا وصحتنا وكله على باطل خلي بالكوا الأذية دي وحشة أوي وهتقعد لك في أعز ما عندك.. ارجو الدعاء بالخير ليه أي إن كان هو ايه”.
View this post on Instagram
يشار إلى أن ريهام سعيد، كانت قد أعلنت في وقت سابق عن اعتزالها مجال الإعلام، وكتبت عبر حسابها على موقع “إنستجرام” الآتي: “فكرت كتير قبل ما أكتب البوست ده، أنا اعتزلت التمثيل سنه ٢٠١٥ لإني حسيت إن صاحب بالين كداب وإن التمثيل مأثر على مسيرة الخير اللي ابتديتها من سنين طويلة عشان الوقت والمجهود اللي بعمله”.
تابعت: ” لكن عشقي للتمثيل اللي هو دراستي ومهنتي الأولى قبل الإعلام رجعت أمثل تاني وأنا لسه في نظر المخرجين والمنتجين مذيعة عايزة تمثل، كنت عارفة إن عشان أخد مكان كممثلة لازم أسيب الإعلام زي مع حفظ الألقاب داليا البحيري وبسمة ودينًا فواد ودينا الشربيني وغيرهم بس مكنتش قادرة أسيب رسالتي اللي كانت مهمة أوي وقتها”.
أضافت: “أنا حصل لي مشاكل كتير من المهنة دي بتأثير باطل من السوشيال ميديا من منافسين وأعداء بسبب المشاهدة العالية جدا والنجاح أنا تعبت وحاسة إني قدمت كل اللي ممكن يتقدم والدولة عاملة اللي عليها ومش محتاجين دور المجتمع المدني في مساعدة الناس ولكن أنا ليه الشرف إني اشتغلت في المهنة العظيمة دي اللي ليها رسالة سامية وعظيمة وليا الشرف إني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح و متغيرش ولا دقيقة”.
في نفس السياق، استكملت حديثها كاتبة: “أنا الحمد لله حققت في التمثيل وكل اللي اشتغلته علم مع الناس واشتغلت أعمال كلها قيمة بس بعد ما جالي السكر وشوية مشاكل تانية قررت أعمل اللي بحبه، أنا بكل أسف بعلن اعتزالي الإعلام تماما وهركز كممثلة وهطلب من الدكتور أشرف زكي إنه يساعدني إني أغير الفكرة الموجودة في أذهان المخرجين والمنتجين إني مذيعة”.
استطردت: “ورسالة للأستاذة كاملة أبو ذكري ومش مكسوفة، نفسي أوي أمثل معاكي حتى لو مشهد ده من أحلامي، خطوه صعبة وفيها ريسك كبير بس علئ الأقل أجري ورا حلمي حتى وأنا في السن ده”.
اختتمت: “جه الوقت إني أستمتع باللي بعمله وبحبه خصوصا لما يكون في عصر ولا في و سطة ولا محسوبية اللي هيجتهد هيوصل، متسيبوش حلمكم مهما فات الوقت، بشكر جمهوري من الأمهات والشباب والأطفال اللي دائما بيدعموني وحبه برامجي واتعلموا منها وبشكر ربنا على عشرين سنة اداني الفرصة فيهم إني أقضي حوائج الناس وأقدم كل ما هو مفيد، فخوره بكل حلقة وبكل حرف قدمته، ٢٠ سنة تعب وسهر وكان وتصميم على تقديم الحقيقة، أنا أسفة ليكوا بس التمثيل رسالة برضو وهو حلمي الأساسي اللي اتاخرت أوي عشان أحققه.. يا رب وفقني وساعدني”.